Pýtın men Tramp telefon arqyly Sırııadaǵy qaqtyǵysty talqylady

Eki eldiń basshylary telefon arqyly biraz máseleniń túıinin sheshti.

AQSh prezıdenti Donald Tramp pen Reseı prezıdenti Vladımır Pýtın jarty saǵat kóleminde telefonmen sóılesip, Sırııadaǵy qaqtyǵysty talqylady, dep habarlaıdy Qamshy aqparattyq agenttigi Kremldiń baspasóz qyzmetine silteme jasap.

Aq úı eki el basshysy Sırııadaǵy soǵysty, Taıaý Shyǵystaǵy terrorızmdi joıýdaǵy birlesken jumystardy jáne Soltústik Koreıadaǵy qaýipti jaǵdaıdy retteýdiń tıimsdi joldaryn talqylaǵanyn habarlady. Tramp ákimshiligi Vashıngton 3-4 mamyrda Astanada ótetin Sırııa jónindegi kelissózge ókilin jiberetinin de habarlady.

Kremldiń málimdemesi boıynsha, prezıdentter Sırııadaǵy qaqtyǵysty toqtatý úshin AQSh memlekettik hatshysy Reks Tıllerson men Reseı syrtqy ister mınıstri Sergeı Lavrov arasyndaǵy yntymaqtastyqty keńeıtýge kelisken, sondaı-aq, Pýtın men Tramp 7-8 shildede Gambýrgte ótetin "Úlken jıyrmalyq" elderiniń sammıtinde jeke kezdesý ıdeıasyn qoldaǵan.