Belorýssııada qoranyń ózi prezıdenttiń ruqsatymen satylmaq

Aleksandr Lýkashenko jekeshelendirýge resmı qarsy turǵanymen, onyń qol astyndaǵy bılik jaqyn ýaqyt aralyǵynda jekeshelenýi tıis   10 memlekettik aktıvter tizimin qurastyrýdy bastap ketti. Áıtpegen jaǵdaıda Belorýssııanyń álemdik valıýta qorynan kredıt ala almasy anyq.

21 sáýirde parlament pen halyqqa jasaǵan joldaýynda, Aleksandr Lýkashenko burynǵy baıandamasyn qaıtalaı otyryp, memlekettiń ekonomıkadaǵy saýda reformasyna bara almaı otyrǵanyn aıtyp ótti.

«Sizderge qarapaıym tilmen aıtsam, joldastar, eshqandaı reformaǵa, jekeshelendirýge, úmittenbeńizder. Erteń  biz kórshi elderdegideı  bılikti taratyp, bárin bólisetinimizge jáne  árbirimiz halyqtyń múlkine  qol suǵatynymyzǵa úmittenbeńizder. Men prezıdenttik orynda otyrǵan kezde buǵan jol bermeımin»,-dedi ol.

Bul máselege Belorýssııa  basshysynyń úzildi-kesildi qarsylyǵy burynnan anyq.

Onyń «qoranyń ózi  jekelerge tek meniń ruqsatymmen satylady» degen sózi qanatty sózge aınalyp úlgerdi.

Búgingi álemdik banktiń aqparynsha, Belorýssııa óndirisiniń 85 paıyzy memlekettiń qolynda.

Alaıda 2014 jyldyń sońynda Belorýssııa ekonomıkasy daǵdarysqa túsken bolatyn,jáne syrtqy qaryzdardyń áserinen turaqsyzdanǵan.

Sonymen birge 2017 jyly Belorýssııanyń ishki jáne  syrtqy qaryzdarynyń jalpy kólemi 3,6 mlrd . dollardy quraý kerek bolǵan.Bul jaǵdaıda Reseı  Belorýssııanyń bereshegin  800mln. dollar kóleminde   qaıta qarjylandyrýǵa jáne olarǵa 1mlrd. dollar memleketaralyq qarjy berýge kelisken bolatyn.

Resmı túrde Mınsk 2015 jyldan bastap álemdik bankpen seriktestikte ekonomıkany reformalaý  «jol kartasyn» daıyndap keledi. Álemdik valıýta qorymen kelisim tek 2016 jyldyń qazanyna deıin jetti, alaıda Aleksandr Lýkashenko oǵan úzildi kesildi qarsylyq bildirip , «bul tunshyqtyrýǵa baǵyttalǵan» degen málimdeme jasady.

24 sáýirde «BelaPAN» aqparattyq agenttigi habarlaǵandaı, belorýss bıliginiń álemdik valıýta qorymen  kelisim shart jasaýǵa daıyndalyp, memlekettik kásiporyndar qataryn  jekeshelendirýdi qarastyrýda.

Endigi kezekte, satylym aldyndaǵy daıyndyqqa qatysty 10 aktıvter tizimine kelisim-shart  jasasý qajet.

Jańa kredıttik baǵdarlama jaıynda  Vashıngtonda álemdik valıýta qorynyń jetekshiligimen bolyp  ótken kelissózde  belorýss delegasııasy kelisimge qol qoıǵan bolatyn.

Delegasııa quramynda Ulttyq bank jáne qarjy mınıstrligimen ekonomıka mınıstrliginiń jetekshi qyzmetkerleri boldy.