Jerleý kezindegi tyıym salynǵan rásimder

Jerleýge baılanysty qoldanylatyn tyıymdar osydan júzdegen jyl buryn qalyptasqan. Jerleý kezinde keıbir is-áreketterdi múldem jasaýǵa bolmaıdy dep habarlaıdy Qamshy aqparattyq agenttigi.

Hrıstıandardyń jerleý kezindegi túrli rásimi men tyıymyn Dni.ru saıty da jınaqtap jazǵan bolatyn.  Hrıstıandar men musylmandardyń  senimderdiń arasynda aıyrmashylyq bolǵanymen, uqsastyqtar da  kezdesedi eken.

Eger úıde bir adam qaıtys bolǵan jaǵdaıda úıdegi barlyq aınanyń betin jaýyp qoıǵan durys. Alǵashqy 40 kúnde qaıtys bolǵan adamnyń rýhy áli osy álemde júredi jáne aına arqyly rýh óziniń jaqyn adamyn arǵy dúnıege alyp ketýi múmkin degen  senim bar.

Osyǵan uqsas taǵy bir senim tipti ateısttik kezde de qoldanǵan eken. Adamnyń qaıtys bolǵanyn buryn sol úıdiń tabaldyryǵyna shyrsha butaqtarynyń otyrǵyzylǵandyǵy arqyly bilgen. Úı-ishi týystary men dostaryn jarııa qylyp, arnaıy shaqyrmaǵan.

Sonymen birge qaıtys bolǵan adamdy jalǵyz qaldyrýǵa múldem bolmaıdy. Sebebi oǵan qaıtys bolǵannan keıin ol jaqyn aamdardyń duǵasyna zárý bolady. Sondyqtan máıittiń qasynda kem degende bir adam ol úshin duǵa oqyp otyrý kerek.  Osy senim musylmandar da kezdesedi. Qaıtys bolǵan adamǵa baǵyshtap duǵa jasaý arqyly ólgen adamǵa kómektesedi.

Alǵashqy kúnderi tabytty tóńkerip qoıý kerek. Tabytty birneshe kún ótkennen keıin ǵana durystap qoıýǵa bolady. Eger bul qaǵıdany oryndamaıtyn bolsa, máıittiń jany jaı tappaı, eles kúıinde týystaryn qorqytýy múmkin.

Osy sekildi arnaıy rásimder musylmandarda da kezdesedi. Musylmandar máıitti eń birinshi jýyndyrady. Ony qaıtys bolǵan adamnyń balalary nemesi jubaıy oryndaıdy. Bul adamnyń arǵy dúnıege barǵanda taza bolyp barsyn degen senimnen qalyptasqan.

Musylmandar máıitti tazalap bolǵannan keıin ony jer qoınyna tezirek tapsyrýǵa tyrysady. Máıitti kem degende 4 adam kóterip júrýi kerek.  Sonymen qaıtys bolǵan adamǵa baǵyshtap Quran, janaza namazy oqylady.

Qaıtys bolǵan adamnyń artynan shash júlyp, bet tyrnap jylaý durys emes. Bul is-áreketterdi jasaý arqyly qaıtys bolǵan adamǵa zııan tıgizbeseńiz paıdańyz tımeıdi. Sebebi ólgen adamnyń jany tynysh tappaıdy, qınalady. Eger siz osyndaı qaıǵyǵa sabyr etip, duǵa baǵyshtasańyz ólsheýsiz saýaptarǵa kenelesiz jáne ólgen adamnyń qabir azabynan qutylýyna az da bolsa septigińizdi tıgizesiz.

Aıta ketetin bolsaq, máıitti jer qoınyna tabystaǵannan keıin jerlengen jerden eń sońǵy bolyp ketken adam 40 qadam jasaǵan soń, ólgen adam suraq-jaýapqa tartyla bastaıdy.  Al qabirdegi adam ol suraqtarǵa istegen amaldaryna baılanysty jaýap bere alady.

Osyǵan uqsas senimder túrli ulttar men basqa senimdegilerde óte kóp kezdesedi. Alaıda arnaıy mamandar aıtqan eskerýler de joq emes.

Jerleý jumysyn atqaratyn mamandardyń aıtýy boıynsha, qaıtys bolǵan adamdy súıýge bolmaıdy. Sebebi adam qaıtys bolǵannan keıńn onyń denesinde zııandy suıyqtyq bólinedi. Al ol tiri aǵza úshin asa qaýipti.