Serikjan Mámbetalınniń keshirim suraǵan haty jarııalandy

Ultaralyq arazdyqty nasıhattady degen aıyppen eki jylǵa bas bostandyǵynan aıyrylǵan belgili saıasatker, ultshyl patrıot Serikjan Mámbetalın Facebook áleýettik jelisinde ózine taǵylǵan aıypty – bas bostandyǵynan aıyrý jazasyn jumsartýdy suraǵan haty jarııalandy. Hat ıesi oqyrmandardan qoldaý kútetindigin málimdedi, - dep habarlaıdy "Qamshy" portaly.

«Qymbatty dostar jáne meniń taǵdyryma alańdaýshylyq tanytqan áriptester! О́zderińiz biletindeı, jýyrda ǵana meni «ultaralyq arazdyqty» nasıhattady degen aıyppen sot otyrysy ótip, sýdıa 2 jyl bas bostandyǵymnan aıyrý týraly sheshim qabyldandy. Men túzeý mekemesinde otyrǵan sátterimde kóp oılanyp, óz is-áreketimdi tereń tarazylaýdan ókizip, kóptegen qatelikterge urynǵandyǵymdy uqtym. Onyń kóptegen aıǵaq, dálelderi de jetkilikti. Sondyqtan da maǵan taǵylǵan aıyptar men qate-kemshilikterimdi tolyq moıyndaımyn. Qazaq halqyn ult retinde kemsitetin teris baǵyttaǵy kitaptan úzindini áleýmettik jelidegi paraqshamda jazyp, jarııalaǵanymdy da joqqa shyǵara almaımyn. Mundaı áreket jasap jatqan sátimde, men onyń sońy osyndaı jaǵdaıǵa ákep soqtyratyndyǵyn tolyq túsinbedim. Men ony arandatý maqsatymen jasamasam da, óz qateligimdi tolyq moıyndaımyn. Meniń bıznespen aınalysyp, birshama ýaqyt shetelde turǵanymdy kóptegen adamdar biledi dep oılaımyn. Biraz jyldar elimizdegi qoǵamdyq-saıası jıyndarǵa belsendi qatysyp, elimizdegi jaǵdaıdy odan saıyn jaqsartýǵa tyrysqanymnan da habardar bolsa kerek. Jeke otbasylyq ómirimde de sońǵy jyldary eleýli ózgerister oryn aldy. Almaty qalasynda qyrkúıekte ulym dúnıege keldi. Men ulymnyń osy ólkeniń týmasy, bel balasy bolyp ósip, Qazaqstannyń teń quqyly azamaty retinde erjetkenin qalaımyn. Ata-anam da osy elde turyp, óz Otandary aldynda kóp eńbek etti. Anam – elimizdiń eńbek sińirgen akýsher-gınekology retinde kóp jyldar boıy Ulttyq medısına akademııasynda ustazdyq etip, bilikti mamandar daıarlap shyqty. Ákem de aq halatty abzal jan retinde el azamattarynyń densaýlyǵyn túzeýge atsalysty. 
Sondyqtan men rasymen de qatelestim jáne óz qatemdi tolyǵymen túsindim, biraq bul qylmysty ádeıi jasaǵan joqpyn. Meni durys túsinýlerińizdi suraımyn» degen S. Mámbetalın óziniń jazbasynda.

Esterińizge salsaq, buǵan deıin de "Alaýyzdyq týǵyzdy" degen aıyppen isti bolǵan qoǵamdyq belsendi Bolatbek Bilálov te qateligin moıyndap, sotta keshirim suraǵan bolatyn. Sot oǵan úsh jylǵa bas bostandyǵyn shekteý jazasyn belgilep, sot zalynda bosatqan edi.