Ulttyq Qaýipsizdik Komıtetine qulaqqaǵys

Búgin aqparattyq qaýipsizdik taqyryby Ýkraınalyq prızmadan qaraǵanda ózekti máselege aınaldy. Nege? О́ıtkeni, 2012 jyly Reseı Dýmasy Qazaqstan aqparattyq keńistigin ıgerýge 5 mlrd rýbl bólgen bolatyn. Sodan beri ol aqshanyń kólemi artpasa, kemigen joq. Onyń deni jańadan basylymdar men elektrondyq aqparat quraldaryn ashýǵa jumsalsa, bir bóligi qoǵamdyq, úkimettik emes uıymdar arqyly ıgerilýde. Iаǵnı, elimizde burynnan asyǵy alshysynan túsken Reseı ıdeologııasy jańa kúshpen bastalǵan ıntervensııadan soń, odan saıyn gúldene tústi. Qazaqtildi basylymdardyń aýdıtorııasyn, qunyn, ustanǵan baǵytyn birshama salmaqtap kórdi. Odan soń-aq, aqparattyq keńistigimiz tolyq "anneksııalandy". Búginde aqparat keńistigimiz tolyq Reseıdiń qol astynda. Oǵan byltyr kúzde "Habar", "Qazaqstan" arnalaryna Kremldiń basty ıdeologtarynyń kelip, jýrnalısterge óte qupııa túrde leksııa oqyǵany dálel. Búginde ORT-Eýrazııa arnasyndaǵy Kıselevtyń Reseı azamaty Zamyslovty ákep otyrǵyzýy, "Qazaqstan" ulttyq arnasyna Nurjan Jalaýqyzynyń Poleı degen máskeýlikti keńesshi etip otyrǵyzýy tegin emes. Sondaı-aq, "Zakon kz" saıty qyzmetkerleri - Iа.Krasıenko men Pak degender birlesip, Sosıalıstik partııasymaq degendi quryp otyr. Maqsaty - oıana bastaǵan qazaq ultshyldyǵyn tirsekten qııý. Kreml qarjylandyryp otyrǵan osylar kez-kelgen kúni el qaýipsizdigine syna qaǵa alady. "Tıtýshka", "besinshi kolonna" rolin tolyq atqaryp, Qazaqstandy bólshekteýden tartynbaıdy. Sondyqtan, Ulttyq Qaýipsizdik Komıteti tez arada aqparat salasyn revızııalap, qaýiptiń aldyn alǵany abzal. Myna sýretti sondaı "tıtýshkalar" jarııalap otyr.