Jańa zań: Memleket balanyń JOO-da oqýyna bastapqy kapıtal retinde 235 myń teńge beredi

Ǵylym jáne joǵary bilim mınıstrligi "Ashyq NQA” portalynda adamnyń JOO-da oqýyna bastapqy kapıtal berýdiń erejelerin jarııalady.

Buıryqta ereje kelesi jyldyń 1 naýryzynan bastap kúshine enýi tıis dep atap ótildi.

Endi balanyń oqýyna jınaqtaý depozıtine nemese bilim berý saqtandyrý sharty boıynsha eseptik somaǵa bıýdjetten bir jolǵy tólem aýdarylady.

Iаǵnı, bastapqy tólemge – 60 AEK (235 920 teńge) bólinedi. Bul kóptegen otbasylar úshin aıtarlyqtaı qoldaý kórsetedi. Jetim men ata-anasynyń qamqorlyǵynsyz qalǵan balalar úshin bul soma 120 AEK-ke (471 840 teńge) ulǵaıtyldy.

Kapıtal 5 jasqa tolǵan ınvestor nemese benefısıarlardyń shotyna esepteledi. 

Prosess qalaı júzege asady:

• Balalardyń quqyqtaryn qorǵaý salasyndaǵy ýákiletti organdar tólemderge ótinish berýshiler týraly aqparatty jiberedi;
• Bankter men saqtandyrý kompanııalary qoldanystaǵy kelisimsharttar týraly málimetterdi usynady;
• Bilim berý jınaqtaý júıesiniń operatory aqparatty óńdeıdi jáne shottarǵa qarajat aýdarady.

Esepteý jylyna eki ret bolady:

31 tamyzǵa deıin – bes jasqa tolǵan balalarǵa;
Kelesi jyldyń 28 aqpanyna deıin – 5-ke endi tolyp bolǵandarǵa.

Ata-analar jyldyq jarna salyp otyrýy kerek. Kópbalaly otbasy balalary 12 AEK, al qalǵandary 24 AEK tóleıdi.

Bala grantqa tússe, jınaq salymdaryn tek oqýǵa ǵana emes, turǵyn úı qajettilikterine de paıdalanýǵa bolady:

• turǵyn úı nemese jer satyp alý;
• bastapqy jarna jáne ıpotekalyq nesıeni óteý;
• jeke úıdi jóndeý nemese salý;
• satyp alý quqyǵymen jalǵa beriletin turǵyn úıdi tóleý.

Memlekettik bilim granty boıynsha oqıtyn balalar úshin qarajatqa qoljetimdilik oqýdy aıaqtaǵannan keıin ashylady. Shetelge qujat tapsyrǵan kezde qarajatty paıdalanýǵa bolady.

Eger jyldyq alym tólenbese, salymshy azamattyǵynan aıyrylsa, shart maqsatyn buzsa, bastapqy kapıtal bıýdjetke qaıtarylady. Investor tótenshe jaǵdaıǵa tap bolsa nemese karantındik sharalarǵa baılanysty tabysynan aıyrylsa, onda qaıtarý mindettelmeıdi.