27 Qarasha, 2024 NEWS
Almaty oblysynda 7 jasar balany avtobýs basyp ketti
7 jastaǵy búldirshin oqıǵa ornynda jan tapsyrdy.
Kórneki sýret
27 qarasha Almaty oblysy Qarasaı aýdanyna qarasty Irgeli aýylynda ornalasqan "Asyl Arman" turǵyn úı kesheniniń avtoturaǵynda avtobýs júrgizýshisi 7 jasar balany qaǵyp ketti.
Kýágerlerdiń aıtýynsha, oqıǵa bolǵan jer jaıaý júrginshilerge qaýipti, ıaǵnı jaıaý júrginshiler ótkeli men aıaldama joq.
Polısııa departamentiniń baspasóz qyzmetiniń málimetinshe 27 qarashada JAC avtobýsynyń júrgizýshisi "Asyl Arman" turǵyn úı keshenindegi turaq aýmaǵynda artqa júrip bara jatyp, 7 jasar balany qaǵyp ketken. Bala alǵan jaraqattarynan oqıǵa ornynda kóz jumdy.
"Oqıǵa Irgeli aýylyndaǵy "Asyl Arman" turǵyn úı kesheniniń kólik turaǵynda bolǵan. Bul jaǵdaı áleýmettik jelilerde taralyp, turǵyndardyń alańdaýshylyǵyn týdyrdy. Qazir bul oqıǵa boıynsha sotqa deıingi tergeý júrgizilip jatyr. Soǵan sáıkes prosessýaldyq sheshim qabyldanady", – dedi polısııa departamenti.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir