25 Shilde, 2024 NEWS
Túrik kompanııasy Qazaqstanda 5000 tonna kókónis saqtaıtyn qoıma salmaq
Aýyl sharýashylyǵy mınıstri orynbasary Ermek Kenjehanuly «Saraylım Tarım» kompanııasynyń basqarma tóraǵasy Ylydja Mýstafamen kezdesti. Kezdesý barysynda eki tarap ınvestısııalyq jobalardy iske asyrýdaǵy yntymaqtastyq múmkindikterin talqylady, dep habarlaıdy vedomstvonyń baspasóz qyzmeti.
Kórneki sýret
«Saraylım Tarım» – Túrkııa Respýblıkasynda jemister men kókónisterdi saqtaý salasynda jetekshi kompanııa bolyp sanalady. Kásiporyn qoımalarynyń syıymdylyǵy jylyna 14 myń tonna jemis-jıdek, al, óńdeý qýattylyǵy jylyna 35 myń tonna. Onyń ónimderi álemniń 18 eline eksporttalady. Kompanııa qýattylyǵy 5 myń tonna kókónis qoımasyn salýǵa múddeli. Jobanyń quny shamamen 15 mln AQSh dollaryn quraıdy.
Sondaı-aq sirke sýy men kókónis konservilerin óndirýdi jolǵa qoıý nıeti bar. Jobaǵa salynǵan ınvestısııa somasy 15 mln AQSh dollaryn quramaq.
Ylydja Mýstafa joba Almaty oblysynda iske asyrylatynyn, oǵan Qazaqstandyq seriktes anyqtalǵanyn habarlady.
О́z kezeginde vıse-mınıstr ınvestorlarǵa kórsetiletin memlekettik qoldaý, kózdelgen sýbsıdııalar, jeńildikter men preferensııalar týraly aıtyp berdi.
«Aýyl sharýashylyǵy mınıstrligi jobany iske asyrýǵa barynsha járdem kórsetýge daıyn», - dep atap ótti Ermek Kenjehanuly.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir