23 Shilde, 2024 NEWS
Qazaqstan bıýdjetiniń 8 mıllıard teńgesin shegirtkeler «jep qoıǵan»
Qosymsha bıýdjetten 3,9 mıllıard teńge beriledi.
![](/media/2024/07/23/crop-7_16_232x413_shegirtke-shegine-me.jpg?width=600&height=480)
Kórneki sýret
Bıyl elimizdiń birqatar óńirin shegirtkeler shabýyldap, egistik alqapqa qaýip tóndirip otyr. Qazaqstan aýmaǵynda úıirli (azııalyq shegirtke, ıtalıandyq prýs jáne marokkalyq shegirtke) jáne saıaq shegirtke taralǵan. Endi osy shegirtkemen kúreske bıýdjetten taǵy qarjy bólinedi.
Búgin Úkimet otyrysynda premer-mınıstr Oljas Bektenov buǵan deıin 4,2 mıllıard teńge jetpeı qalǵanyn aıtty. Endi qosymsha bıýdjetten 3,9 mıllıard teńge beriledi.
«Bolashaq eginniń túsimi der kezinde qabyldanǵan shegirtkemen kúres sharalaryna tikeleı baılanysty bolmaq. Ol úshin respýblıkalyq bıýdjetten 4,2 mlrd teńge bólindi. Sondaı-aq Úkimet rezervinen qosymsha 3,9 mlrd teńge baǵyttaldy. Zııankesterge qarsy hımııalyq óńdeýge 400-den astam arnaıy tehnıka tartyldy», – deıdi Oljas Bektenov.
Jalpy sońǵy 5 jylda shegirtkemen kúreske bólinetin qarjy kólemi 15 ese ósti. Sebebi zııankesterdiń taralý aýmaǵy jyldan jylǵa artyp keledi. 2020 jyly jarty mln gektar aýmaqty jaılasa, bıyl 2,5 mln gektar jerge taralǵan.
Qazir sonyń 2,4 mln gektary tazartyldy. Tek Aqtóbe, Qostanaı oblystarynda nóser jaýyn jaýyp, qatty jel soǵýyna baılanysty ýlaý jumystary keıinge shegerilgen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir