23 Shilde, 2024 NEWS
![](/media/2024/07/23/crop-21_97_482x858_2021_04_14_kazchrome-com.jpg?width=600&height=480)
Foto: Ashyq derekkóz
Qaraǵandydaǵy ferroqorytpa zaýytynda bolǵan apat saldarynan jaralanǵan segiz adamnyń bireýi qaıtys boldy.
Qaza tapqan 31 jastaǵy Muzafar Ismaılov zaýytta pesh bastyǵy bolyp jumys istegen. Oblystyq densaýlyq saqtaý basqarmasynyń málimdeýinshe, marqumnyń denesiniń 85%-y kúıip qalǵan.
Qalǵan jeti jumysshy qazir aýrýhanada emdelip jatyr, olardyń beseýi jansaqtaý bólimine túsken. Dárigerlerdiń jansaqtaý bólimindegi bes adamnyń jaǵdaıy óte aýyr ekenin aıtty. Olardyń denesin qatty kúıip qalǵan. Al eki adam qarqyndy terapııa bóliminde jatyr.
Eske sala keteıik, 20 shilde kúni tańǵy saǵat 04:10-da YDD Corporation ferroqorytpa zaýytyndaǵy №1 peshten jalyn shyǵyp, kásiporynnyń 8 qyzmetkeri kúıip qalǵan. Áleýmettik jelide kúıik shalǵan jumysshylardyń vıdeosy taraǵan bolatyn. Keıin kompanııa zardap shekkenderge Reseıden arnaıy dárigerler shaqyrǵanyn, olardyń nesıelerin tóleıtinin málimdegen.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir