22 Shilde, 2024 NEWS
![](/media/2024/07/22/crop-74_32_1014x1802_photo_462854-jpeg.webp?width=600&height=480)
Foto: Ashyq derekkóz
Sybaılas jemqorlyqqa qarsy qyzmet aınaldyrǵan bir jyl ishinde joǵary bilim alyp shyqqan 1 243 adamdy anyqtady. Bul týraly 2023 jylǵy Sybaılas jemqorlyqqa qarsy is qımyl týraly Ulttyq baıandamada málimdedi.
2021 jyldan bastap joǵary oqý oryndaryna joǵary bilim týraly dıplomdardy óz betinshe daıyndaý jáne berý quqyǵy berildi. Sonyń saldarynan sybaılas jemqorlyq oryn alýy múmkin. 19 JOO-da júrgizilgen baqylaý nátıjesinde UBBD-da sanalatyn, biraq joǵary oqý oryndarynyń qujattary men derekqorlarynda joq 2 733 adam anyqtaldy. Antıkor bul kórsetkish jalǵan dıplomdardy zańdastyrýmen baılanysty bolýy múmkin ekenin málimdedi.
"Júrgizilgen zertteý nátıjesinde oqý oryndaryna suraý salý jolymen 1 143 jalǵan dıplom anyqtaldy. Oqý mekemeleri mundaı dıplom bergenin rastamady. Sonymen qatar, oqý oryndarynyń qyzmetinde resmı/beıresmı bilim berý nátıjelerin taný jáne óz qalaýy boıynsha oqý merzimderin qysqartý boıynsha sybaılas jemqorlyq táýekeli anyqtaldy. Osylaısha, 1 jyl ishinde (2-5 jyl ornyna) joǵary bilim alǵan 1 243 túlek anyqtaldy"- delingen resmı málimdemede.
Sondaı-aq, fılosofııa doktorlary (PhD) jáne beıini boıynsha doktorlar (PD) dıplomdaryn berý rásimderinde de zańbuzýshylyqtar anyqtaldy.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir