Dermatologııa ǵylymı ortalyǵy basshysy men orynbasary para aldy degen kúdikke ilindi

Almaty qalasy boıynsha Sybaılas jemqorlyqqa qarsy qyzmeti Qazaq dermatologııa jáne juqpaly aýrýlar ǵylymı ortalyǵynyń basshysy men onyń orynbasaryna qatysty sotqa deıingi tergeý júrgizýde.

"Olar medısınalyq qyzmetkerlerdiń biliktiligin arttyrý boıynsha qyzmetter kórsetýge shart jasasqany úshin halyqaralyq joǵary oqý ornynan keıingi bilim berý ınstıtýtynyń basshysynan 5 mln teńge somasynda para alý boıynsha kúdikke ilindi. Sottyń sanksııasymen ortalyq basshysy qamaýǵa alyndy", - delingen habarlamada.

Antıkor tergeý jalǵasyp jatqanyn habarlady. Quzyrly organ málimetinshe, Qylmystyq-prosestik kodekstiń 201-babyna sáıkes ózge aqparat jarııa etýge jatpaıdy.