Qýandyq Bıshimbaev jazasyn Aqmola oblysyndaǵy túrmede óteıtin boldy

Eks-mınıstr Qýandyq Bıshimbaev jazasyn Aqmola oblysyndaǵy qaýipsizdigi joǵary kolonııada óteıdi. Bul týraly ortalyq kommýnıkasııalar qyzmetinde ótken brıfıngte IIM qylmystyq-atqarý júıesi komıtetiniń tóraǵasy Teńizjan Jánibekov málimdedi. 

"Sottalǵan azamat taıaý arada Astanaǵa jaqyn Aqmola oblysyndaǵy qaýipsizdigi joǵary mekemege jiberiledi", - dedi Teńizjan Jánibekov.

Aıta keteıik, Qýandyq Bıshimbaev áıeli Saltanat Núkenovany óltirgeni úshin 24 jylǵa bas bostandyǵynan aıyrylǵan bolatyn.  Bıshimbaevtyń sot otyrysy ashyq túrde ótip, qoǵamda qyzý talqyǵa túsken edi. Al búgin BAQ betterinde Bıshimbaevtyń áli de tergeý ızolıatorynda otyrǵany týraly aqparat taraǵan.