TJD: Almatyǵa irgeles aýdandarda sý tasqyny bolýy múmkin

17-20 shilde aralyǵynda qatty jaýyn-shashynǵa baılanysty Almatynyń taýly aımaqtarynda sý deńgeıi kóterilýi múmkin. Bul týraly Almaty qalasynyń Tótenshe jaǵdaılar departamenti "Qazgıdromettiń" eskertýine súıene otyryp habarlady. 

"Qaýipti belgilerden asqan jaǵdaıda Almaty qalasynyń aýmaǵyna irgeles taý bókteri men aýdandarda sý tasqyny bolýy múmkin. Osyǵan oraı Almaty qalasynyń TJD turǵyndarǵa jaqyn ornalasqan aryqtar men kanaldardy qoqystan tazartý qajettigin eskertedi" – delingen TJD habarlamasynda.

Sonymen qatar, 18 shildede Almatynyń taýly aýdandarynda burshaq jaýyp, naızaǵaı oınap, qatty jel turýy múmkin. Jeldiń ekpini sekýndyna 18-23 metrge deıin jetedi.