Qyrǵyzstan prezıdenti Sadyr Japarovtyń jıeni qamaýǵa alyndy

Qyrǵyzstan prezıdenti Sadyr Japarovtyń jıen inisi Ulan Japarov ustaldy. Ol iri kólemde alaıaqtyq jasady degen kúdikke ilingen. Bul týraly Vesti.kg aqparat portaly málimdedi. 

Bishkektiń Pervomaıskıı aýdandyq soty 21 maýsymda Bishkek boıynsha MUQK MM tergeýshisiniń ótinishin qanaǵattandyryp, Ulan Japarovty 19 tamyzǵa deıin qamaýǵa alýǵa úkim bergen. Japarovty Memlekettik ulttyq qaýipsizdik komıteti ustaǵan. 

Aıta keteıik, buǵan deıin Ulan Japarov sybaılas jemqorlyq jasady degen kúdikpen ustalǵan bolatyn. Alaıda keıinnen qamaýdan bosatylǵan edi.