17 Shilde, 2024 NEWS
Qazaqstandyq qaterli isikke qarsy dári synaqtan sátti ótti
Qaterli isikke qarsy otandyq dári-dármekterdi klınıkalyq synaqtan ótkizýdiń ekinshi kezeńi bastaldy.
![](/media/2024/07/17/crop-7_42_430x764_shutterstock_298303490-780x520-1.jpg?width=600&height=480)
Kórneki sýret
Ǵylym jáne joǵary bilim mınıstri Saıasat Nurbek úkimet otyrysynyń qorytyndysy boıynsha ótken brıfıng barysynda Qazaqstanda ázirlengen onkologııany emdeýge arnalǵan preparat adamdarǵa klınıkalyq synaq júrgizýdiń birinshi kezeńinen sátti ótkenin málimdedi. Endi qaterli isikke qarsy otandyq dári-dármekterdi klınıkalyq synaqtan ótkizýdiń ekinshi kezeńi bastaldy.
Zertteýge onkologııamen aýyratyn 15 naýqas qatysqan. Mınıstrdiń aıtýynsha, otandyq dári birinshi synaqtan sátti ótip, joǵary tıimdilik kórsetti. Saıasat Nurbek keler jyly dári-dármekti tirkeýge shyǵarýdy josparlap otyrǵanyn jetkizdi.
“1 shildeden bastap testileýdiń ekinshi kezeńi bastaldy. Klınıkalyq synaqqa 3 myńǵa jýyq adam qatysady. Barlyǵy 5 myńnan astam onkologııalyq naýqas synaqqa qatysýǵa nıet bildirip, tirkeldi. Qarajat Joǵary ǵylymı-tehnıkalyq komıssııanyń sheshimimen qarastyrylǵan. Zertteý tobyna ekinshi kezeńdi júrgizýge shamamen 2 mlrd teńge tamyz aıynda aýdarylady. Jyl sońyna deıin biz barlyq derekti óńdeımiz”, – dedi ol.
Ekinshi kezeń túrli qaterli isigi bar adamdarǵa dári-dármekti tekserip kórýdi qamtıdy. Synaq Astana, Almaty jáne Pavlodarda ótkiziledi.
Onkologııanyń eń agressıvti túrleriniń biri — toq ishek qaterli isiginiń IV satysy anyqtalǵan naýqastar erikti retinde qatysqan klınıkalyq synaqtardyń birinshi kezeńiniń nátıjesi boıynsha preparat tıimdiligin kórsetip, isiktiń qalyptasýy orta eseppen 30 paıyzǵa azaıǵan.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir