17 Shilde, 2024 NEWS
![](/media/2024/07/17/crop-141_16_956x1699_volkswagen-id.6-crozz-china.webp?width=600&height=480)
Kórneki sýret
Elde mamyr aıynda 137,9 myń kólik quraly esepke qoıylǵan, bul byltyrǵy sáıkes kezeńmen salystyrǵanda 14,4%-ǵa tómen. Bul týraly Ulttyq statıstıka bıýrosy málim etti.
1 maýsymdaǵy jaǵdaı boıynsha Qazaqstanda tirkelgen avtokólik quraldarynyń sany 5 mln 473 myńnan asqan. Onyń 88% – jeńil avtomobılder, 9,9% – júk jáne 2,1% – avtobýstar.
"Kólikterdiń basym kópshiligi, atap aıtqanda 81,9%, benzınmen júredi, taǵy 7,1% dızelmen júredi. Ekologııalyq artyqshylyqtarǵa qaramastan, avtomobılderdiń tek 0,2%-y gazben, taǵy sonshasy elektr qýatymen jumys isteıdi. Benzın men basqa otyn túrimen aralas avtomobılderdiń úlesi – 7,5%. Sonymen qatar ótken jyldyń sáıkes kezeńimen salystyrǵanda elektr qýatymen júretin jeńil avtomobılder sany 3229-dan 9906 birlikke deıin 3,1 ese ósti. Elektromobılderdiń eń kóp sany Almaty q. – 5809 birlik, Astana q. – 1252 birlik jáne Almaty oblysynda – 466 birlik" delingen bıýro habarlamasynda.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir