17 Shilde, 2024 NEWS
Qazaqstanda jyl basynan beri 9 myńǵa jýyq kólik aıyppul turaǵyna qoıylǵan
IIM 6 aıdyń jumysyn qorytyndylady. Búginde elimiz boıynsha 1,3 mıllıon beınebaqylaý kamerasy jumys isteıdi, onyń ishinde 291 myń kamera polısııanyń jedel basqarý ortalyqtaryna jáne kezekshi bólimderine qosylǵan.
![](/media/2024/07/17/crop-14_7_213x378_qlim4y6slvrxhaa6ietajfztnxteav8q3dfkxtio.jpg_width=400xheight=autoxtype=1.jpg?width=600&height=480)
Foto: ashyq derekkózden
Olardyń kómegimen jyl basynan beri bes myńnan astam qylmys jáne 324 myń ákimshilik quqyq buzýshylyq anyqtalǵan. Avtomatty tirkeý júıelerimen 3,9 mıllıon jol júrisi qaǵıdalaryn buzý deregi tirkelgen.
IIM "Qorǵaý" baǵdarlamasy ázirlengen. Ol polısııaǵa jolda óreskel zań buzatyn júrgizýshilerdi anyqtaýǵa jáne olarmen aldyn alý jumystaryn júrgizýge múmkindik beredi. Mundaı baǵdarlama barlyq 20 aımaqta qoldanylatyny aıtyldy.
"Bıyl "Qorǵaýdyń" kómegimen 339 myńnan astam kólik quraly tekserilip, 20 myńnan astam ákimshilik quqyq buzýshylyq anyqtaldy. Toǵyz myńǵa jýyq avtokólik aıyppul turaǵyna qamaldy. Jalǵan nómirli 173 kólik anyqtaldy", - delingen habarlamada.
Sonymen qatar, polısııa júrgizýshiler tártibin nyǵaıtý boıynsha sharalar qabyldady.
"Alty aıda 12 myńnan astam mas júrgizýshi ustalyp, júrgizý quqyǵynan aıyryldy. Vedomstvo "SOS" batyrmalaryn ornatý jumystaryn jalǵastyryp jatyr. Búginde respýblıka boıynsha 284 qurylǵy jumys isteıdi. Olarda da beınebaqylaý kamerasy bar. Bul – aldyn alý men qaýipsizdiktiń tıimdi quraly. Jalpy mundaı túımeler qylmys deńgeıin tómendetýge jáne qala turǵyndary men týrısterdiń ómir súrý sapasyn jaqsartýǵa kómektesedi".
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir