Birinshi synypqa baratyn balalar úshin mektepaldy daıarlyq baǵdarlamasy ázirlendi

Ol mektepke deıingi bilim berý men bastaýysh mektep arasyndaǵy sabaqtastyqty qamtamasyz etedi, balalardy mektepke deıingi tárbıe men oqytýdyń úlgilik oqý baǵdarlamasynyń barlyq baǵyttary boıynsha mektepke aldyn ala daıyndaýǵa múmkindik beredi. Baǵdarlamaǵa Memlekettik jalpyǵa mindetti mektepke deıingi tárbıe men bilim berý standartyna sáıkes ázirlendi.

Baǵdarlamany tabysty iske asyrý maqsatynda mektepterde balalardyń jas erekshelikterin eskere otyryp, olardy oqytý úshin qolaıly jaǵdaılar jasalýda. Baǵdarlama boıynsha oqytý 1 aıǵa arnalǵan. Sabaqtar kún saıyn 30 mınýttan 10 mınýttyq úzilistermen ótkiziledi. Balalarǵa bilikti bastaýysh synyp muǵalimderi nemese mektepaldy synyp muǵalimderi sabaq beredi, - deıdi mektepke deıingi bilim berý departamentiniń dırektory Manar Adamova.

Aıta ketý kerek, qysqa merzimdi daıyndyq prosesi balalardyń mektepke beıimdelýin jeńildetedi, sondaı-aq pedagogterdiń bolashaq oqýshylarymen jaqynyraq tanysýyna kómektesedi.