16 Shilde, 2024 NEWS
Qazaqstanda ýnıversıtetterde oqý quny taǵy óse me?
Úkimet otyrysynan keıin ótken brıfıngte Ǵylym jáne joǵary bilim mınıstri Saıasat Nurbek ýnıversıtterdegi aqyly bilimniń quny qalaı retteletinin aıtty.
![](/media/2024/07/16/crop-47_15_419x745_photo_100763.jpeg?width=600&height=480)
Foto: amanatpartiasy.kz
Qazaqstandaǵy joǵary oqý oryndaryndaǵy oqý aqysy qazirdiń ózinde arzan emes. Ulttyq ýnıversıtetterde baǵa sharyqtap tur. Jańa oqý jylynda aqyly oqý quny taǵy qymbattaýy múmkin be? - dep surady BAQ ókilderi.
– Negizgi másele – oqý sapasyn kóterý. Biz kelesi jyldan bastap berilgen memlekettik granttardyń somasyn ulǵaıtymyz. Ulttyq ýnıversıtetterde bıyl jylyna 1,2 mln teńge bolsa, jalpy memlekettik, óńirlik ýnıversıtetterde 900 myń teńgeniń mańaıynda. Bul – memlekettik granttyń quny. Bul aqsha jetkiliksiz. Bylaı eseptep kórsek, 2 myń dollardyń shamasynda, ıaǵnı, bir balany bir jyl joǵary bilim júıesinde oqytý úshin biz 2 myń dollardan jumsaımyz. Bilim sapasy sol – 2 myń dollardyń sapasy. Sondyqtan qazir granttardyń qunyn ulǵaıtamyz, biraq aqyly túsken balalarǵa qoldaý retinde ony rettep otyrmyz, – dedi mınıstr Saıasat Nurbek.
Joǵary bilim mınıstrliginiń basshysy bıyl qosymsha 4 qural engiziletinin jetkizdi.
– Birinshiden, aqpan aıynan «Ulttyq qor – balalarǵa» degen qural bastaldy. Ár balaǵa osy jyldan bastap arnaıy shottar ashyldy, ulttyq qordan túsken paıda sol shottarǵa jınaqtalady. Ekinshisi – «Keleshek» jınaqtaýshy júıe. Ony osy jyldyń sońynda bastaımyz. Úshinshisi – jeńildetilgen nesıeler, ony da osy jyldyń sońyna deıin joba retinde bastaımyz. Tórtinshisi – saralanǵan grant júıesi. Endi joǵary ball alǵan, biraq óziniń tańdaǵan mamandyǵyna túse almaǵandarǵa 50%-75%-ǵa deıin saralanǵan granttar beremiz. Aqyly oqý qunyn rettep, ustap turamyz. Tek qana ýnıversıtetterge ınflıasııanyń ındeksasııasyna ruqsat beremiz, – dep túsindirdi ol.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir