16 Shilde, 2024 NEWS
"SIM-kartanyń jaramdylyq merzimi bitti": Aqtóbelikter 16 mıllıon teńgege aldanyp qalǵan
Aqtóbe oblysynyń turǵyndaryn baılanys operatorlarynyń atyn jamylyp aldap jatyr. Olardy alaıaqtar SIM-kartanyń merzimi ótip ketken dep sendirgen.
![](/media/2024/07/16/crop-33_6_481x856_depositphotos_180433560_xl-2015.jpg?width=600&height=480)
Kórneki sýret
Aqtóbe oblysy krımınaldyq polısııa basqarmasy baspasóz qyzmetiniń habarlaýynsha, alaıaqtar ózderin uıaly baılanys operatorlarynyń qyzmetkeri retinde kórsete bastaǵan. Aqtóbe turǵyndary sońǵy kezderi mundaı alaıaqtyq faktisimen polısııaǵa jıi habarlasatyn boldy. Jábirlenýshilerge keltirilgen shyǵyn kólemi birneshe mıllıon teńgeden asady.
"Birinshiden, alaıaqtar ózderin uıaly baılanys operatorynyń qyzmetkeri retinde kórsetip, nómiriniń merzimi ótip bara jatqanyn aıtady jáne qyzmet merzimin uzartýdy usynady. Kodty alǵannan keıin olar WhatsApp messendjeri arqyly ózderin quzyrly organ qyzmetkerlerimiz dep tanystyryp, oǵan alaıaq jalǵan operatorlar birneshe bankten nesıe rásimdegenin habarlaıdy. Alaıaqtar ózderin Ulttyq qaýipsizdik komıtetiniń, polısııa nemese bank qyzmetkerimiz dep tanystyrady. Olar alaıaqtar men jalǵan operatorlardyń jábirlenýshiniń atyna buryn bergen "nesıelerin" alyp tastaý úshin ózderiniń atyna nesıe rásimdeýge aldap sendiredi. Barlyq jaǵdaıda jábirlenýshilerdi aqshany alaıaqtar kórsetken "qaýipsiz" shottarǵa aýdarýǵa kóndiredi", - deıdi oblystyq polısııa basqarmasynyń aǵa jedel ýákili Baqdáýlet Balmýrzın.
Máselen, shilde aıynda Aqtóbe qalasynyń turǵynyn dál osyndaı jolmen 8 mıllıon teńgege aldap ketse, ekinshi aqtóbelik alaıaqtarǵa senip 3 mıllıon teńgesin joǵaltqan. Taǵy bir sengish qala turǵyny óz atyna 5 mıllıon teńgege jýyq nesıe rásimdep, alaıaqtarǵa aýdarǵan. Qaskúnemder bul qylmystyń barlyǵyn SIM-kartanyń jaramdylyq merzimi ótip bara jatqanyn aıtyp qońyraý shalý arqyly jasaǵan.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir