15 Shilde, 2024 NEWS
Áıeline álimjettik kórsetken Marat Áıtenov qamaýǵa alyndy
Áıeli men balalaryn úıinen kúshtep qýyp shyǵarǵan "Samuryq Qazyna" UÁQ eks-topmenedjeri Marat Áıtenov 5 táýlikke qamaýǵa alyndy.
![](/media/2024/07/15/crop-0_22_675x1200_1721026759.jpeg?width=600&height=480)
Foto: forbes.kz
Astana qalasynyń ákimshilik quqyq buzýshylyq jónindegi mamandandyrylǵan aýdanaralyq sotynda Shymkenttiń burynǵy ákimi Murat Áıtenovtiń aǵasy Marat Áıtenovke qatysty is qaraldy.
12 shilde kúni Áıtenovtiń eks-jubaıy Dana Ateshova áleýmettik jelidegi paraqshasynda ózin balalarymen qosyp úıden kúshtep shyǵaryp jatqany týraly vıdeo jarııalaǵan bolatyn.
"Sot otyrysy barysynda quqyq buzýshy óz kinásin moıyndaǵan joq. Ol burynǵy jubaıy balalaryn berýden bas tartyp, olardyń qoldarynan ustap jibermegenin túsindirdi. Ol balalardy áketý úshin edende otyrǵan áıeldiń aıaqtarynan tartqan. Ol ádepsiz sóz aıtpaǵanyn, ony urmaǵanyn atap ótti. Oǵan jaza taǵaıyndalyp, 5 táýlikke qamaýǵa alyndy. Qaýly zańdy kúshine engen joq ", - delingen sot habarlamasynda.
Eske sala keteıik, Marat Áıtenov "Astana" halyqaralyq qarjy ortalyǵynyń ákimshiligi" AQ Basqarma tóraǵasynyń birinshi orynbasary, "Samuryq-Qazyna" UÁQ AQ qoǵammen baılanys jónindegi basqarýshy dırektor qyzmetin atqarǵan. Al onyń inisi Murat Áıtenov 2020-2023 jyldary Shymkent qalasynyń ákimi bolǵan.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir