Almaty oblysy jańa rekord ornatty

Almaty oblysy týrızm salasyndaǵy negizgi kapıtalǵa ótken jyly ınvestısııa kólemi boıynsha 60,05 mlrd teńgege jetip, Qazaqstanda ekinshi oryn alǵan jańa rekord ornatty, dep habarlaıdy Qamshy.kz aqparat agenttigi.

Almaty oblysynyń ákimdigi buǵan jeke ınvestısııalarmen qarjylandyrylatyn 13 jobany iske asyrý dálel bolyp tabylatynyn habarlady. 2024 jyly óńir halyqaralyq arenada ilgeriletýge basa nazar aýdara otyryp, týrıstik áleýetti belsendi damytýdy jalǵastyrýda.

"Qytaı Halyq Respýblıkasyndaǵy Qazaqstan týrızm jyly" aıasynda Almaty oblysy Beıjińdegi óziniń TOP-20 týrıstik nysanyn tanystyrdy, sondaı-aq Qytaı týroperatorlarymen iskerlik kelissózder júrgizdi. Naýryz aıynda oblys Qazaqstandaǵy Hanhoa (Vetnam) provınsııasynyń týrızm men saýdany ilgeriletý jónindegi konferensııasyna qatysyp, dostyq qarym-qatynastardy nyǵaıtý jáne týrıstik baılanystardy damytý úshin ózara saparǵa resmı shaqyrý aldy.

Aıta ketý kerek, Almaty oblysy tek halyqaralyq sharalarmen ǵana shektelmeıdi. О́ńirde agrotýrızm, qolóner jáne shyǵarmashylyq ındýstrııa belsendi damyp keledi. "Altyn Adam kreatıv ortalyǵy" qoǵamdyq birlestigimen yntymaqtastyq týraly Memorandýmǵa qol qoıyldy, bul osy baǵyttardyń damýyna serpin beredi.

- 2024 jyldyń alǵashqy bes aıynda 370 myńnan astam saıahat jáne prıklıýchenııa áýesqoılary qazaqstandyq tabıǵattyń asyl tastary — Esik kóli, Kólsaı jáne Qaıyńdy, Sharyn kanony men Qaskeleń shatqalyna bardy. Bul tabıǵı kórikti jerlerdiń ásemdigi men biregeıligi saıahatshylardyń júreginde árdaıym jańǵyryp otyratynyn aıqyn kórsetedi, - dep atap ótti Almaty oblysy týrızm basqarmasynyń basshysy Qýanysh Mırambekuly.