Almaty oblysynda júkti áıelge bir sátte eki ota jasaldy

Almaty kópsalaly klınıkalyq aýrýhanasynyń LOR dárigerleri men akýsher-gınekologtary júkti áıelge bir sátte qos ota jasady.

Kelinshek aýrýhanaǵa murynnyń sol jaq bóliginen tynys jetispeýshiligi jáne qan ketý shaǵymdarymen túsken.

"Shelek aýylynyń 38 jastaǵy turǵyny bizge murynnan qan ketýmen tústi. Aıtýynsha, sońǵy eki aıda tynys alýdyń jetispeýshili, bas aýrýy, murynnan qan ketý mazalap kelgen. Bastapqyda oraýmen toqtatýǵa tyrystyq, biraq onyń jaǵdaıyn eskere otyryp, shuǵyl konsılıým ótkizdik", - deıdi LOR bóliminiń meńgerýshisi Ásel Imanǵalıeva.

Tekserý kezinde dárigerler muryn qýysynda ósindini anyqtaǵan. Keńesten keıin bir ýaqytta kesir tiligin jáne ósindini alyp tastaý týraly sheshim qabyldanypty.

"Júktiliktiń 36 aptasynda boldy. Barlyq kórsetkishter qalypty edi. Sondyqtan biz LOR dárigerlerimen birlese ota jasaýǵa bel býdyq. Qazir naýqas ózin jaqsy sezinedi. Nárestesimen birge aýrýhanadan shyǵýǵa daıyndalyp jatyr. Barlyq em-dom MÁMS aıasynda tegin júrgizildi", - deıdi akýsher-gınekolog Gúljahan Jumadýllaeva.