25 Maýsym, 2024 NEWS
![](/media/2024/07/09/crop-0_59_738x1312_foto-2.jpg?width=600&height=480)
Foto: Ashyq derekkóz
22 maýsymda Almatyda ótken "Úmit Kýbogy - 2024" basketbol týrnıri aıaqtaldy. Ol QR Ulttyq basketbol federasııasynyń qoldaýymen Halyk iske qosqan "Halyq lıgasy" jobasynyń sońǵy kezeńi boldy.
Chempıonatqa Qazaqstannyń túkpir-túkpirinen Qaraýyldaǵy balalar úıleri men mektep-ınternattarynyń 280-den astam tárbıelenýshileri Basketboldaǵy sporttyq daǵdylary men kúres rýhyn kórsetti.
Bıyl týrnırge elimizdiń 16 óńirinen, atap aıtqanda Atyraý, Taldyqorǵan, ShQO, Túrkistan oblysy, Petropavl, Pavlodar, Semeı, Aqkól, Ekibastuz, Qaraǵandy, Almaty, Rýdnyı, Qyzylorda, Shymkent, Oral jáne Taraz qalalarynan segiz áıelder men 16 erler komandasy qatysty.
Jabylý saltanatyna Halyk Basqarma tóraǵasynyń orynbasary jáne joba kýratory Olga Výros jáne Ulttyq basketbol federasııasynyń bas hatshysy Almaz Uzaqov qatysty.
"Búgin biz "Úmit Kýbogy - 2024" chempıonaty men "Halyq lıgasy" jobasynyń aıaqtalýyn atap ótý úshin jınaldyq. Bul bizdiń jas sportshylar úshin mańyzdy kezeń boldy jáne men olarǵa eńbekqorlyǵy, basketbolǵa degen qushtarlyǵy jáne kúres rýhy úshin shyn júrekten rızashylyǵymdy bildirgim keledi. Halyk mundaı jobalardy qoldaıtynyn maqtan tutady. Biz sport tek fızıkalyq belsendilik emes, sonymen qatar tártiptiń, erik - jigerdiń jáne salaýatty ómir saltyna degen súıispenshiliktiń kórsetkishi dep sanaımyz. Chempıonat qatysýshylary ótken maýsymǵa rıza bolyp, sportpen shuǵyldanýdy jalǵastyrady dep úmittenemiz. О́ıtkeni, olardyń árqaısysy bolashaq chempıon jáne biz olardy osy jolda qoldaýǵa daıynbyz", - dep atap ótti Olga Výros.
Bul týrnır jas sportshylar úshin naǵyz shabyt boldy. Olar kez-kelgen jaǵdaıda, eger sportqa degen qushtarlyq pen qoǵamnyń qoldaýy bolsa, keremet nátıjelerge qol jetkizýge bolatyndyǵyn kórsetti.
Týrnırdiń fınalynda Shymkent pen Petropavldan kelgen jasóspirimder komandalary kezdesti. Qarbalas oıyn barysynda birinshi oryndy Shymkentten kelgen komanda jeńip aldy. Ekinshi oryndy Petropavl, úshinshi oryndy Aqkól ıelendi.
Qyzdar arasynda júldeli úshtik kelesideı bólindi:
1 oryn – Shymkent, 2 oryn – Aqkól, 3 oryn – Rýdnyı.
"Men osynda bolý úshin kóp jumys istep, jattyǵý jasaǵan shákirtterimdi maqtan tutamyn. Uldar da, qyzdar da "Úmit Kýbogy-2024" chempıonatynda birinshi oryndy ıelendi. Meniń oıymsha, bul – jalpy jeńis. Biz bárimizdiń ortaq maqsatymyz – balalardy baqytty etý jáne olarǵa bolashaq berý. Kóptegen jyldar boıy balalar úıleri men mektep-ınternattarynyń tárbıelenýshilerine qoldaý kórsetkeni úshin Halyk Bank-ke úlken rahmet. Osyndaı kómektiń arqasynda balalardyń úlken ómirge enip, ózderi armandaıtyn adam bolýǵa múmkindigi bar", - dedi Shymkent komandasynyń jattyqtyrýshysy Danıl Seredınskıı.
Saltanatty marapattaý rásimine chempıonatqa qatysýshy barlyq 24 komanda jınaldy. Oıynshylardyń árqaısysy estelik medaldarmen, sondaı-aq oıyndar ótken Halyk jáne sport kesheniniń syılyqtarymen marapattaldy. Marapattardy balalarǵa Halyk Basqarma tóraǵasynyń orynbasary Olga Výros, basketbol federasııasynyń bas hatshysy Almaz Uzaqov, basketboldan ulttyq quramanyń múshesi Roman Marchýk pen danker, sport kesheniniń ókili Rýslan Lıgaı tabys etti.
Sonymen qatar, tıimdilik kórsetkishteri boıynsha is-sharany uıymdastyrýshylardan estelik syılyqtar men medaldar alǵan uldar men qyzdar arasynda úzdik 20 oıynshy anyqtaldy.
Esterińizge sala keteıik, "Halyq lıgasy" 2005 jyldan beri jumys isteıdi. Halyk Bank 17 jyl boıy kıim-keshek, jattyǵý, kólik, turý, tamaqtaný, syılyqtar jáne t.b. baılanysty "Halyq lıgasy" men "Úmit Kýbogy" boıynsha barlyq shyǵyndardy tolyǵymen óz moınyna aldy.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir