Qazaqstan men Reseı arasyndaǵy áýe reısteriniń sany artady

Qazaqstan men Reseı arasyndaǵy reıster men baǵyttar sany artady. Bul týraly Qazaqstan Respýblıkasy Premer-Mınıstriniń birinshi orynbasary Roman Sklıar men Reseı Federasııasy Úkimeti Tóraǵasynyń orynbasary Vıtalıı Savelevtiń kezdesýi kezinde belgili boldy.

Kezdesý barysynda Qazaqstan men Reseıdiń iri qalalary arasyndaǵy iskerlik jáne týrıstik trafıktiń ósip kele jatqanyn eskere otyryp, áýe reısteriniń sanyn ulǵaıtý perspektıvalary talqylandy.

Sonymen qatar, taraptar temirjol jáne avtomobıl kóligi, azamattyq avıasııa, onyń ishinde jolaýshylar jáne júk tasymaly, jol-kólik ınfraqurylymyn jańǵyrtý, sondaı-aq halyqaralyq kólik dálizderin damytý salalaryndaǵy ózara is-qımyldyń joǵary deńgeıin rastady.

Kezdesý qorytyndysy boıynsha taraptar Qazaqstan-Reseı shekarasyndaǵy avtomobıl ótkizý pýnktteriniń jumysyn birlesip tekserýge kelisti.