Qazaqstannyń qaı óńirlerinde shegirtke qaptady

Qostanaı jáne Aqtóbe oblystarynda shegirtkelerdiń eki túri keń taralǵan: ıtalııalyq prýs jáne azııalyq shegirtke.

9 shildedegi jaǵdaı boıynsha, Qostanaı oblysynda shegirtkelerden aryltýǵa josparlanǵan 422,9 myń gektar jerdiń 356 myń gektaryna tıisti jumystar júrgizildi. Oblystyń 10 aýdanynda jáne Arqalyq qalasynda shegirtkeni joıý júrgizildi.

Aqtóbe oblysynyń aýmaǵynda 9 shildedegi jaǵdaı boıynsha 667,865 myń ga jer, onyń ishinde ıtalııalyq prýsqa qarsy 646,965 myń ga nemese jalpy óńdelmek jerdiń 99,97%-y, azııalyq shegirtkege qarsy 20,9 myń ga nemese jalpy óńdelmek jerdiń 95,5%-y óńdelgen.

Jergilikti jerlerde jumysty úılestirý úshin oblys ákimderi orynbasarlarynyń basshylyǵymen jedel shtabtar quryldy.

Hımııalyq óńdeýlerdi júrgizý úshin Qostanaı oblysynda 9 jeldetkishi bar sepkish, 3 ushaq, 6 deltaplan, 13 aerozoldi gaz generatory jumyldyryldy.

Aqtóbe oblysynda 56 arnaıy sepkish tehnıka, onyń ishinde 19 jeldetkishi bar sepkish, 19 aerozoldi gaz generatory, 8 asa jeńil avıasııa kemesi jáne 10 ushaq bar.

Jalpy respýblıka boıynsha ıtalııalyq shegirtkege qarsy óńdeý 1,2 mln gektarǵa nemese 92,3%-ǵa júrgizildi.

Jumystar Almaty, Atyraý, Shyǵys Qazaqstan, Jambyl, Jetisý, Batys Qazaqstan, Qaraǵandy, Qyzylorda jáne Pavlodar oblystarynda tolyq aıaqtaldy.

Jalpy óńirler boıynsha monıtorıng jáne tıisti is-sharalar jalǵasýda.