10 Maýsym, 2024 NEWS
Kárim Másimov prezıdent Toqaevtan keshirim surady
Memleketke opasyzdyq jasady jáne bılikti basyp almaq boldy degen aıyppen sottalǵan Ulttyq qaýipsizdik komıtetiniń burynǵy basshysy Kárim Másimov raqymshylyq jasaý týraly ótinish berdi.
![](/media/2024/06/10/crop-1_0_167x297_images-1.jpg?width=600&height=480)
Foto: ashyq derekkózden
Qazirgi ýaqytta ol Sybaılas jemqorlyqqa qarsy is-qımyl agenttiginiń sheshimimen Astanadaǵy Ulttyq qaýipsizdik komıtetiniń tergeý ızolıatorynda otyr.
«Iá, ol osy mekemeden 2024 jyldyń naýryz aıynda Qazaqstan Respýblıkasy Prezıdentiniń atyna keshirim týraly ótinish joldaǵan», – dep rastady UQK.
Sondaı-aq Másimovke qatysty Qylmystyq kodekstiń 218-baptyń 3-bóliginiń 3-tarmaǵy («Qylmystyq jolmen alynǵan aqshany jáne ózge de múlikti zańdastyrý») jáne 366-babynyń 4-bóligi («Asa iri kólemde para alý») boıynsha sotqa deıingi tergeý júrip jatqany habarlandy.
Másimov 2022 jylǵy qańtar oqıǵasy kezinde ustaldy. Oǵan qatysty qylmystyq is asa qupııa grıfimen belgilendi. 2023 jyldyń sáýir aıynyń sońynda Astana soty ony memleketke opasyzdyq jasady, bılikti kúshpen basyp alýǵa árekettendi jáne bılikti asyra paıdalandy degen aıyppen 18 jylǵa bas bostandyǵynan aıyrdy. Onyń úkimge shaǵymdaný áreketi sátsiz aıaqtaldy – apellıasııalyq sot úkimdi ózgerissiz qaldyrdy.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir