• USD 468.56

  • EUR 497.56

  • RUB 7.3

  • CNY 67.18

12 Maýsym, 19:23:34
Almaty
+35°

06 Maýsym, 2024 NEWS

Pýtın: Reseı men Qazaqstan arasynda daýly másele joq

Reseı prezıdenti Vladımır Pýtın Sankt-Peterbýrg halyqaralyq ekonomıkalyq forýmy aıasynda BAQ ókilderimen kezdesýinde Reseı Federasııasy men Qazaqstan arasyndaǵy qarym-qatynas jaıyn sóz etti.

Avtor: Aleksandr Demıanchýk/TASS

"Qazaqstan men Reseı arasyndaǵy ózara qarym-qatynastyń bolashaǵy qandaı?" – dep suraq qoıdy "QazAqparat" agenttiginiń basshysy Asqar Jaldınov.
- О́te jaqsy, basqasha aıta da almaımyz. Biz óte jaqyn, odaqtas, strategııalyq qarym-qatynastamyz. Bul saýda-ekonomıkalyq baılanystarǵa da qatysty, olar senimdi túrde ósip keledi. Jyl saıynǵy aınalym deńgeıi de osyny kórsetip tur. Bizdiń ózara árekettesýimizdiń kóptegen baǵyty bar. Men tipti bárin tizbektep aıtyp ta bitpeımin. Buǵan energetıka, ónerkásiptik yntymaqtastyq jáne ǵarysh salasy da kiredi. Bizdiń ortaq shekaramyz úlken. Adamdar da bir-birimen aralasady, - dedi Pýtın Sankt-Peterbýrgte álemniń jetekshi aqparat agenttikteri basshylarymen kezdesý barysynda suraqtarǵa jaýap berip.
Reseı prezıdenti Reseıdiń 76 sýbektisi Qazaqstannyń tıisti aýmaqtarymen tikeleı qarym-qatynasta ekenin túsindirdi. Onyń aıtýynsha, olardyń jumysy tıimdirek, óıtkeni adamdar bir-birine senedi.
-Shynymdy aıtsam, daý týdyratyn jáne bizdiń qarym-qatynasymyzdy qandaı da bir jolmen qıyndatatyn birde-bir máseleni kórip turǵan joqpyn, - dep túsindirdi Reseı prezıdenti.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir