Asyrap alǵan balalaryna ıt-mysyqtyń etin bergen azamattyń ústinen is qozǵaldy

Alty balany qamqorlyǵyna alyp, olardy qınady dep kúdikke ilingen azamattyń ústinen qylmystyq is qozǵaldy. Qalalyq ombýdsmen Janneta Jazyqbaevanyń aıtýynsha, 2021 jyly shymkenttik turǵyn 6 balany asyrap alǵan. Ol balalardy jumysqa salyp, tipti jýynýǵa da múmkindik bermepti.

-Kishkentaı úıde turady. Ishi endi qap-qara, las. Balalardyń ózi qatty aryq. Buryn soǵys kezindegi konslagerdegi balalar sııaqty bolyp qalǵan. Balalardyń denesindegi kógergeni, qyzarǵany bári bar. 5-eýi sóıleı almaıdy. О́ıtkeni olardy túnde uıyqtaǵan kezde ústin qasymasyn dep aıaq-qolyn baılap qoıady eken. Sebebi der kezinde shomylmaǵan. Tamaq boıynsha úlken balasynan suraǵan kezde saraıdaǵy ıt-mysyqtardy soıyp beredi degen. Saraılaryn qarap shyqtyq. Onda3 mysyq baılaýly turdy, – deıdi Shymkenttegi bala quqyqtary jónindegi ýákil Janneta Jazyqbaeva.   

Qıyn jaǵdaıǵa tap bolǵany jaıly balalardyń úlkeni habarlasyp kómek suraǵan. Qazir 3-eýi bóbekter úıine tabystalsa, ekeýi balalar úıine jaıǵastyrylǵan.

-Úlken uly balalar úıiniń basshysyna shyǵyp, kómektesińizdershi, urady-soǵady dep habarlasqan. Sonymen qatar 5 bala boıynsha vıdeo-sýretter jibergendikten qamqorshylyq uıymmen birge baryp qaradyq. Zerdeleý barysynda birneshe fakti anyqtaldy. Balalardy eńbekke tartqan, qarny ash, kıimderi jyrtyq, las bolǵan. Sondyqtan balalardy alyp, bóbekter úıi men balalar úıine tapsyrdyq. Asyrap alǵan kisiniń ústinen qylmystyq is qozǵaldy. Kóp faktiler anyqtalyp jatyr, – deıdi Shymkenttegi bala quqyqtary jónindegi ýákil Janneta Jazyqbaeva.

Qalalyq Polısııa departamentiniń málimetinshe, qazir kúdiktiniń ústinen QK 110- qınaý baby boıynsha tergeý áreketi aıaqtalyp, barlyq is-qujat sotqa joldanǵan.

Atalǵan is boıynsha tergeý áreketteri aıaqtaldy, barlyq is-qujattar sotqa joldandy, – deıdi Shymkent qalasy PD baspasóz qyzmeti.