Qazaqstanda bala týý kórsetkishi tómendedi

2022 jyldyń 12 aıynda Qazaqstanda 403,9 myń bala dúnıege kelgen (446,4 myń – 2021): 51,5%-y – ul, 48,%-y – qyz. 241,4 myń bala nemese týylǵandardyń jalpy sanynyń 59,8%-y qalada, 162,4 myńy – 40,2% aýyldy jerlerde dúnıege kelgen. “2022 jyly týýdyń jalpy koeffısıenti 1000 adamǵa 20,57 qurady, 2021 jyly ol kórsetkish 1000 adamǵa shaqqanda 23,50 týylǵan náreste deńgeıinde boldy. Eń joǵary týý kórsetkishi Mańǵystaý (1000 turǵynǵa shaqqanda 28,53 adam), Túrkistan (27,67) oblystarynda jáne Shymkent qalasynda (27,13) tirkeldi. Eń tómen týý kórsetkishi Soltústik Qazaqstan (1000 turǵynǵa 10,96), Qostanaı (12,42) jáne Shyǵys Qazaqstan oblystarynda (12,96) baıqaldy”, – delingen Ulttyq statıstıka bıýrosynyń habarlamasynda.