Almaty oblysynda ónerkásiptik óndiris ósimi artqan

Almaty oblysynda ónerkásiptik óndiris kórsetkishteri ósti. Bul týraly Almaty oblysy ákimdiginiń baspasóz qyzmeti habarlady.

"Bıylǵy jyldyń 4 aıynyń qorytyndysy boıynsha jalpy kólem 573,6 mlrd teńgege jetip, ótken jyldyń sáıkes kezeńimen salystyrǵanda 103,2 paıyzǵa ósti"– dep málimdedi Kásipkerlik jáne ındýstrıaldy-ınnovasııalyq damý basqarmasynyń basshysy Qýanysh Baqytuly.

О́nerkásiptiń birqatar salasynda oń nátıjeler baıqala bastaǵan. Olardyń qataryna taý-ken ónerkásibi, elektrmen jabdyqtaý, gaz jáne sýmen qamtamasyz etý, qaldyqtardy jınap, óńdeý ónerkásibi de jatady. Sonymen qatar, oblysta azyq-túlik, sýsyn jáne temeki óndirisi de qarqyndy túrde damyp keledi. Qazirgi tańda atalǵan salalar oblys ónerkásibiniń 64,5 paıyzyn qurap otyr.

Bıyl óndiris kólemin ulǵaıtý maqsatynda oblysta jalpy somasy 284 mlrd teńgeni quraıtyn 10 ınvestısııalyq jobany júzege asyrý josparlanyp otyr. Almaty oblysy strategııalyq turǵyda bıznes júrgizýshilerge qolaıly  bolýymen de halyqaralyq ınvestorlardyń da qyzyǵýshylyǵyn týdyryp otyr.