Kremldiń qadamy bir óńirge basyp kirýmen bastalady - Zelenskıı (vıdeo)

Ýkraına prezıdenti Qazaqstan, Qyrǵyzstan, jáne О́zbekstannyń jýrnalısterine suhbat berdi. Suhbat Harkovtegi Reseı soqqysynan qıraǵan baspahanada ótti. Kezdesýge Ýkraına tarapy bastamashyl bolǵan. Ondaǵy maqsat eldegi shynaıy jaǵdaıdy, soǵys pen Pýtınniń basshylyǵyndaǵy orys áleminiń saldary qandaı bolatynyn kórsetý dedi Zelenskııdiń ózi. Bir saǵattan sál uzaǵan áńgime barysynda Ýkraına prezıdenti Pýtın endi NATO-nyń reaksııasyn tekserý úshin aldymen Baltyq jaǵalaýyndaǵy elderdi, odan keıin Moldova men Orta Azııa memleketterin nysana retinde alyp otyr degen pikir aıtty. “Pýtınniń biz dospyz, odaqtaspyz degen sózderiniń biri de túkke turmaıdy, Pýtın qandaıda bir yntymaqtastyqty yqpal etý quraly retinde paıdalanady” degen Zelenskıı Kremldiń qadamy bir óńirdi basyp kirýmen bastalyp, qarsylyqqa tap bolǵan jaǵdaıda jappaı soǵysqa ulasady dep sanaıdy.

Ýkraına prezıdenti Pýtındi “jyrtqyshqa” teńep, qazirgi ýaqytta Orta Azııa, belgili bir deńgeıde álem “sol jartqyshty oıatyp almaý úshin Reseımen balans ustaýǵa tyrysady, biraq jyrtqysh qashan oıanaryn eshkimnen suramaıdy dedi.

Sondaı-aq Zelenskıı, Orta Azııa memleketteriniń basshylaryn beıtaraptyqty saqtamaı, Kremlden úreılengendikten sol jaqqa kóbirek aýyp ketip jatady dep synap, Ýkraınanyń bastamashyl bolýymen maýsym aıynda ótkeli otyrǵan beıbitshilik sammıtine kelýge qoryqpaýǵa shaqyrdy.

 

 

 

Posmotret etý pýblıkasııý v Instagram

 

 

 

Pýblıkasııa ot Qamshy.kz (@qamshy.media)