• USD 468.56

  • EUR 497.56

  • RUB 7.3

  • CNY 67.18

15 Maýsym, 20:09:53
Almaty
+35°

23 Mamyr, 2024 NEWS

Mańǵystaý oblysynyń shekarasy ózgerdi

Qazaqstan Respýblıkasy Úkimetiniń 2024 jylǵy 17 mamyrdaǵy qaýlysymen Mańǵystaý oblysynyń shekarasy ózgertildi, - dep habarlaıdy Qamshy.kz aqparat agenttigi inform.buro-ǵa silteme jasap.

Foto: ashyq derekkózden

"Mańǵystaý oblysynyń shekarasy Qazaqstan Respýblıkasynyń Kaspıı teńizindegi aýmaqtyq sýlarynyń (teńiziniń) eni men aýmaqtyq sýlardyń syrtqy shegin ólsheýge arnalǵan negizdik syzyqtar arasyndaǵy jerlerdi ( 1 638 837,5075 ga) Mańǵystaý oblysynyń aýmaǵyna qosý jolymen ózgertilsin", – delingen qujatta.

Endigi jerde Mańǵystaý oblysynyń shekarasy tómendegideı sıpat alady:

Mańǵystaý oblysynyń soltústik shekarasy Atyraý oblysynyń ákimshilik baǵynysyndaǵy aýmaqtardyń qoldanystaǵy shekaralary boıynsha ótedi;
Soltústik-Shyǵys shekara Aqtóbe oblysynyń ákimshilik baǵynystaǵy aýmaqtarynyń qoldanystaǵy shekaralary boıynsha ótedi;
Ońtústik shekara Qazaqstan-Túrikmen memlekettik shekarasy boıynsha ótedi;
Ońtústik-shyǵys shekara qazaqstan-ózbek memlekettik shekarasy boıynsha ótedi;
Batys shekara Kaspıı teńizindegi Qazaqstan Respýblıkasynyń aýmaqtyq sýlarynyń (teńiziniń) syrtqy shegi boıynsha ótedi.

Mańǵystaý oblysyndaǵy aýmaqtyq sýlar (teńiz) eni boıynsha oblys shekarasynan bastap bastapqy syzyqqa deıingi aýmaq tómendegideı:

Aqtaý qalasy boıynsha 87171,2282 gektar;
Beıneý aýdany boıynsha 81805,1200 gektar;
Qaraqııa aýdany boıynsha 513287,6044 gektar;
Mańǵystaý aýdany boıynsha 150105,7313 gektar;
Munaıly aýdany boıynsha 49808,5611 gektar;
Túpqaraǵan aýdany boıynsha 756659,2625 gektar.

Qaýly 2024 jylǵy 2 maýsymnan bastap qoldanysqa enedi.

 

"Qamshy" silteıdi
Ilmek sózder: shekara Mańǵystaý

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir