23 Mamyr, 2024 NEWS
Bıyl bakalavrıat mamandyqtaryna 80 myńǵa jýyq grant bólindi
Bul týraly Ǵylym jáne joǵary bilim mınıstrligi Joǵary jáne joǵary oqý ornynan keıingi bilim komıteti tóraǵasynyń orynbasary Janna Esınbaeva aıtyp berdi.
![](/media/2024/05/23/crop-6_3_163x290_images.jpg?width=600&height=480)
Kórneki sýret
«2024-2025 oqý jylyna arnalǵan memlekettik bilim berý tapsyrysy bekitildi. Túlekter qandaı baǵyttar, bilim berý baǵdarlamalarynyń qandaı toptary boıynsha qansha grant bólingenin kóre alady. Bıyl Ǵylym jáne joǵary bilim mınıstrliginiń jelisi boıynsha bakalavrıat deńgeıine 78 219 grant, magıstratýra deńgeıine – 13 119 jáne doktorantýra deńgeıine – 1 919 grant bóldik», - dep tolyqtyrdy Joǵary jáne joǵary oqý ornynan keıingi bilim komıteti tóraǵasynyń orynbasary Janna Esınbaeva.
Onyń aıtýynsha, bıyl granttardyń eń kóp sany ınjenerlik-tehnıkalyq baǵyttarǵa beriledi. Bul Memleket basshysynyń memlekettik tapsyrystyń 60%-dan astamyn tehnıkalyq baǵyttar boıynsha mamandar daıarlaýǵa berý tapsyrmasyna sáıkes jasalǵan.
«Injenerlik ǵylymdar, qurylys ǵylymdary, aqparattyq-kommýnıkasııalyq tehnologııalar, aqparattyq qaýipsizdik, jaratylystaný ǵylymdary, matematıka, statıstıka – munyń barlyǵy memlekettik tapsyrystyń jalpy kóleminiń shamamen 60% quraıdy», - dep naqtylady spıker.
Sonymen birge, pedagogıkalyq baǵyttarǵa 13 myń grant bólindi.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir