• USD 468.56

  • EUR 497.56

  • RUB 7.3

  • CNY 67.18

23 Mamyr, 17:34:20
Almaty
+35°

Kórneki sýret

Búgin Májiliste keıbir ekonomıkalyq qylmystarǵa jazany jeńildetýdi kózdeıtin zań jobasy tanystyryldy, dep habarlaıdy Qamshy.kz aqparat agenttigi Halyq Uni-ne silteme jasap.

«Qazaqstannyń keıbir zańnamalyq aktilerine ekonomıkalyq quqyqbuzýshylyqtardy odan ári qylmystyq sıpattan aryltý jáne zańsyz jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha ózgerister men tolyqtyrýlar engizý týraly» jáne «Qazaqstanyń Ákimshilik quqyqbuzýshylyq týraly kodeksine ózgerister men tolyqtyrýlar engizý týraly» zań jobalaryn depýtat Abzal Quspan tanystyrdy.

Barlyq ózgeris elimizdiń ekonomıkalyq damýyn tikeleı qoldaý úshin jáne prezıdenttiń tapsyrmasyn iske asyrý úshin ázirlendi. Zań aıasynda 5 bapqa ózgeris engiziledi: Qylmystyq-prosestik kodekstiń 1 babyna, Qylmystyq kodekstiń 4 babyna. (Qylmystyq kodekstegi)  2 bap tolyq qylmyssyzdandyrylyp, ekeýi ishinara qylmyssyzdandyrylady, - dedi depýtat. 

Qylmys sanatynan alynatyn baptyń biri – Qylmystyq kodekstiń 219-baby («Kredıtti zańsyz alý nemese bıýdjet kredıtin maqsatsyz paıdalaný»).

- Qylmyssyzdandyrý sebebine toqtalaıyn. Qylmystyq kodekstiń 189 («Senip tapsyrylǵan bóten múlikti ıemdenip alý nemese talan-tarajǵa salý») jáne 190 («Alaıaqtyq») baptary boıynsha saralanýy múmkin. Osyǵan uqsas áreket úshin jaýapkershilik Ákimshilik quqyqbuzýshylyq týraly kodekstiń 233-babymen («Qazaqstannyń zańnamasyn buza otyryp, kredıt, qaryz alý ne olardy paıdalaný, memlekettik syrtqy qaryz qarajatynyń qaryz shartynda belgilengen merzimde ıgerilmeýi») kózdelgen, - dedi Abzal Quspan. 

Tolyq qylmys sanatynan alynatyn kelesi bap – Qylmystyq kodekstiń 241-baby («Býhgalterlik esep pen qarjylyq eseptilik týraly zańnamasyn buzý»).

Qylmyssyzdandyrý sebebin aıtaıyn. Qylmystyq jaýaptylyq Ákimshilik quqyqbuzýshylyq týraly kodekstiń 239-babynda kózdelgen ákimshilik jaýaptylyqtan birneshe ese jeńil bolǵandyqtan, normalardy ákimshilik jaýapkershilik dárejesine aýystyrý arqyly Ákimshilik quqyqbuzýshylyq týraly kodekstiń 239-babynyń 6-bóligimen tolyqtyrylady, - dedi depýtat.

Sondaı-aq Qylmystyq kodekstiń 234 («Ekonomıkalyq kontrabanda») jáne 236 («Kedendik bajdardy, kedendik alymdardy, salyqtardy, arnaıy, dempıngke qarsy, ótemaqy bajdaryn tóleýden jaltarý») baptary ishinara qylmyssyzdandyrylyp, olar kedendik quqyqbuzýshylyqtarǵa qatysty boldy. 

Zań jobalary áli talqylanady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir