Jaıyqtaǵy jaǵdaı áli de kúrdeli

Batys óńirde Reseı Federasııasynyń Irıklın sý qoımasynan sýdyń kelýine baılanysty, sondaı-aq Jaıyq ózenine quıylar saǵadaǵy iri tasqyn men sý deńgeıiniń kóterilýi saldarynan jaǵdaı kúrdeli kúıinde qalyp otyr. Bul týraly premer-mınıstr Oljas Bektenovtyń Atyraý oblysyna jasaǵan sapary barysynda belgili boldy.

Sońǵy táýlikte BQO tarapynan keletin sýdyń áserinen Atyraý qalasynda sý deńgeıi 6 sm-ge kóterilgen. Sý tasqyny bastalǵannan beri jalpy kóterilýi 227 sm-di qurady.

Oblystaǵy qaýipti aımaqqa Jarsýat jáne Qurylys eldi mekenderi kiredi, bul aýmaqta 10,5 km bóget ornalasqan. Qazirgi ýaqytta bul aýmaqta arnaıy tehnıkalar arqyly bógetter turǵyzylǵan. Sondaı-aq sý basý qaýpi bar Inderbor, Eltaı, Esbol, Kóktoǵaı, Bódene, О́rlik jáne Yntymaq aýyldarynda bógetter kóterilip jatyr. Jaǵalaýdy nyǵaıtý jumystary Inder, Mahambet, Isataı jáne Qurmanǵazy aýdandarynda júrgizilýde.