Oral qalasynda er adam tasqyn sýmen aǵyp kete jazdady

BQO polısııa departamentiniń qyzmetkeri, polısııa kishi serjanty Ámirjan Birlesovtiń málim etkenindeı, oqıǵa 21 sáýir kúni shamamen saǵat 12.30-da Jaıyq ózeni jaıylmalarynda ornalasqan 1, 2, 3-saıajaı aýmaǵynda bolǵan.

«Jasandy bógetti tasqyn sý buzyp ótkennen keıin bir er adamnyń aǵyp bara jatqanyn baıqadym. Ulttyq ulan, eriktiler, TJ qyzmetkerleri jáne sol mańda bolǵan azamattar maǵan kómektesti. Sóıtip er adamdy qutqaryp qaldyq» dedi Á.Birlesov.