Sheteldikter Qazaqstannan 90 myń dollar alyp ótpek bolǵan

Atyraý oblysynda Grýzııa azamatynan 90 myń dollar tárkilendi. Bul bizdiń aqshamen eseptegende 40 mln 507 myń 38 teńgeni quraıdy. 

Grýzııa azamatynyń qolynda 10 myń dollar alyp, al jol júgine 90 myń dollar jasyryp ótpek bolǵan. Zań buzýshylyqty Atyraý oblysy "Áýejaı-Atyraý" keden beketiniń qyzmetkerleri anyqtaǵan. Bul týraly Memlekettik kirister komıteti habarlady.

"Sot sheshimine sáıkes, 90 myń dollar tárkilenip, qalǵan 10 myń dollar Grýzııa azamatyna qaıtaryldy. Sondaı-aq sheteldikke 40 AEK ákimshilik aıyppul óndirildi" - delingen habarlamada.

Eske sala keteıik, QR zańnamasy boıynsha elden 10 myń dollardan asatyn qolma-qol shetel valıýtasyn áketýge tyıym salynǵan.