02 Sáýir, 2024 Barlyq aımaqtar
Aýyl turǵyndaryna arnalǵan jańa úı baǵdarlamasy bastalady
Aýyl turǵyndaryna arnalǵan jańa turǵyn úı baǵdarlamasy mamyrda iske qosylady. Bul týraly О́nerkásip jáne qurylys mınıstri Qanat Sharlapaev aıtty.
Foto:world-nan.kz
«Qazirgi ýaqytta bul baǵdarlamaǵa «Otbasy» banki 300 mlrd teńge tartyp jatyr. Bul - baǵdarlamanyń jalpy mólsheri. Halyqtyń áleýmettik jaǵynan az qamtylǵan sanaty úshin mólsherleme 7 paıyzdan aspaıdy», - dedi Qanat Sharlapaev Úkimet otyrysynan keıingi brıfıngide.
Onyń atap ótýinshe, aldaǵy mamyr aıynda baǵdarlamanyń barlyq sharty jarııa etiledi.
«1 mamyrda baǵdarlamanyń barlyq shartyn tolyqtaı jarııa etemiz. Ol 1 mamyrdan bastalady. Qazirgi ýaqytta oǵan naryqtan qarajat tartyp jatyrmyz. Tek azdaǵan ýaqyt qajet. Sondyqtan baǵdarlama 1 mamyrdan bastalady. Mınıstrlik pen «Otbasy» banki qyzmetkerlerine taǵy bir márte jeke baspasóz máslıhatyn ótkizip, baǵdarlama jaıynda aıtyp berýdi ótinemiz», - dedi mınıstr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir