Sý tasqyny: Tabıǵı apat pa, álde jaýapsyzdyq pa?

Aqtóbe, Aqmola, Qostanaı, Batys Qazaqstan, Túrkistan, Soltústik Qazaqstan jáne Pavlodar oblystarynan bólek, Almatynyń Qaınar jáne Tekes aýyly, Raıymbek aýdany, IV jol bóliginde sý tasqyny oryn aldy. Bir ǵana óńir emes, birneshe óńirde tótenshe jaǵdaıdyń oryn alýy bul tabıǵı apat pa, álde sý tasqyny jaýapsyzdyqtyń kesirinen oryn alyp otyr ma?

Bul jaıtqa qatysty depýtattar kóbine jaýapsyzdyqtyń saldary degen oılaryn aıtady.

Osy oraıda depýtat Maqsat Tolyqbaı sý tasqynynyń aldyn alýǵa qatysty Roman Sklıardan bastap, úkimettegilerdi aýystyrý kerektigi jóninde bastama kóteretinin aıtty.

- Aımaqtardy aralap, Aqtóbeniń ortasyna jettik. Shynyn aıtý kerek, ákimdikterdiń daıyndyǵy óte nashar. Tipti keıbir aýdan ákimderiniń rezervinde qaıyq túgili, sýǵa kıetin rezeńke etik joq. Ákimdik pen úkimettiń arasyndaǵy baılanys joqtyń qasy. Oǵan kim jaýapty? Oǵan premer-mınıstrdiń birinshi orynbasary Roman Sklıar jaýapty. Nege keshe ol Aqtóbege kelip, sýdyń astynda qalǵan Oıylǵa nege barmady? Bunyń aldynda alapat órt boldy. oǵan da Roman Sklıar kináli. Ol tek sógis alýmen qutyldy. Jylý elektr stansalary jarylǵanda da, halyq qaqaǵan sýyqta qaldy. Prezıdent búgin sógis jarııalap jatyr. Biraq Roman Sklıardan bastap úkimet múshelerine shara qoldanyp, aýystyratyn kez keldi dep oılaımyn, – deıdi.

Al «Ádildik joly» RQB atqarýshy dırektory Dıdar Smaǵulov kóptegen oblysta sý tasqynynyń aldyn alýǵa baılanysty qomaqty qarjy bólinýi bólingenimen, nátıjesi jemqorlyqpen baılanysty ekenin aıtady.

- Korrýpsııa tyıylmasa, sý basý toqtamaıdy. Mysaly, byltyr qardan tazalaý jáne tasqynǵa qarsy sharalarǵa 7 mlrd teńge bólingen. Qostanaı oblysynda 387 650 277 teńge. Batys Qazaqstan oblysynda 329 090 767 tg, Aqtóbe oblysynda 210 795 219 teńge bólingen, – deıdi.

Qazirgi ýaqytta sý tasqynyna baılanysty úkimette shuǵyl keńes qorytyndysy ótkizilip, taǵy da sheshim tek sógis alýmen aıaqtaldy.

Iаǵnı, premer-mınıstrdiń birinshi orynbasary Roman Sklıar, Sý resýrstary jáne ırrıgasııa mınıstri Nurjan Nurjigitov, Atyraý oblysynyń ákimi Serik Shápkenov, Aqmola oblysynyń ákimi Abaı Nurlan Uranhaevqa qatań sógis berilse, Qostanaı oblysynyń ákimi Qumar Aqsaqalov, Batys Qazaqstan oblysynyń ákimi Narıman Tóreǵalıev pen Aqtóbe oblysynyń ákimi Ashat Shaharovtardyń jumystary qyzmettik talapqa tolyq saı emestigi týraly eskertýler aldy.