• USD 468.56

  • EUR 497.56

  • RUB 7.3

  • CNY 67.18

24 Sáýir, 22:52:18
Almaty
+35°

29 Naýryz, 2024 Barlyq aımaqtar

Qytaılyq kompanııa Qazaqstanda quny 1 mıllıard dollar bolatyn jel elektr stansııalaryn salady

Qazaqstan Prezıdenti Qytaıǵa jumys sapary aıasynda Memlekettik energetıkalyq ınvestısııalyq korporasııasy dırektorlar keńesiniń tóraǵasy Lıý Mınshenmen kezdesti.

Foto: Ashyq derekkózden

Áńgimelesý barysynda energetıka salasyndaǵy, onyń ishinde jańartylatyn energııa kózderine negizdelgen yntymaqtastyqty odan ári damytý perspektıvalary talqylandy.

Qasym-Jomart Toqaevqa «China Power International Holding» kompanııasynyń enshiles uıymy Qazaqstanda belsendi jumys istep jatqany týraly habarlady. Sońǵy 5 jylda Jańatasta jel energetıkasy jobasy jasalsa, Qaraǵandyda kún elektr stansasy salyndy.

Qytaıdyń iri energetıkalyq kompanııalarynyń biriniń basshysy boljamdy ınvestısııa kólemi 1 mıllıard dollardan asatyn Jambyl jáne Pavlodar oblystarynda jalpy qýaty 1 GVt jel elektr stansııalaryn salý boıynsha jańa ınvestısııalyq jobalardy júzege asyrý týraly aıtty.

 Lıý Mınshen sondaı-aq Qazaqstanda aýqymdy gıdroenergetıkalyq jobalardy júzege asyrý jáne aralas sıkldi gaz týrbınalaryn salý perspektıvalaryn zerdeleý nıetin málimdedi.

Prezıdent bizdiń elimizdiń jańartylatyn energııa salasyndaǵy úzdik halyqaralyq tehnologııalar men tájirıbelerdi tartýǵa múddeli ekenin atap ótti.

 Áńgimelesý sońynda Qasym-Jomart Toqaev Lıý Mınshendi Astanada maýsym aıyna josparlanǵan halyqaralyq forýmǵa qatysýǵa shaqyrdy.

"Qamshy" silteıdi
Ilmek sózder: Qytaı jel stansasy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir