29 Naýryz, 2024 Barlyq aımaqtar
Elshilik qazaqstandyqtarǵa Ýkraınanyń qaýipti qalalarynan ketýdi usyndy
Ýkraınanyń Odessa jáne Harkov oblystaryndaǵy jaǵdaıdyń shıelenisýine jáne Qaýipsizdik qateriniń artýyna baılanysty Qazaqstan Respýblıkasynyń Ýkraınadaǵy elshiligi Qazaqstan azamattaryna osy aımaqtardan ketý múmkindigin qarastyrýdy usynady
Foto: Ashyq derekkózden
Ýkraınadan Qazaqstanǵa shyǵý úshin Qazaqstan Respýblıkasynyń azamattary Polsha nemese Moldova arqyly ótetin jerústi baǵyttaryn, odan keıin kommersııalyq reısterdi paıdalana alatynyn eskertemiz. Polsha arqyly ketken jaǵdaıda Qazaqstan azamattarynda Shengen vızasy bolýy kerek, Moldova arqyly qaıtý úshin vıza talap etilmeıdi, - delingen elshilik taratqan habarlamada.
Sonymen birge, elshilik barlyq azamattardy áýe shabýyly týraly eskertýdi eskerip jáne dereý bombadan qorǵanatyn orynǵa ótýge shaqyrady.
Elshiliktiń baılanys telefondary: +38(044) 4831596, +38(044) 4891031. Qazaqstan azamattaryna arnalǵan senim telefony (tótenshe jaǵdaı kezinde): +380673470408.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir