Boao Azııa forýmy: AIF jáne BFA arasynda memorandýmǵa qol qoıyldy

Prezıdent Qasym-Jomart Toqaevtyń Boao Azııa forýmynyń sessııasyna qatysýy barysynda Astana halyqaralyq forýmy (AIF) men BFA arasynda ózara túsinistik týraly memorandýmǵa qol qoıyldy.

Taraptar halyqaralyq jáne óńirlik kún tártibin birlesip ilgeriletýge, sondaı-aq úzdik álem qurý jolyndaǵy kópjaqty seriktestik pen ujymdyq jaýapkershilikti nyǵaıtý jónifndegi jahandyq sharalardy qoldaýǵa nıetti. AIF jáne BFA eki dıalog alańynyń kúsh-jigerin biriktirip, ortaq maqsatty kózdeıtin birqatar is-shara ótkizýdi josparlap otyr.

Buǵan deıin habarlaǵanymyzdaı, Qasym-Jomart Toqaev jyl saıyn Qytaıdyń Haınan provınsııasynda ótetin Boao Azııa forýmynyń (BAF) plenarlyq sessııasynyń ashylý rásimine qatysty. Bıylǵy 23-shi forým «Azııa jáne álem: ortaq syn-qaterler, ortaq jaýapkershilik» degen taqyrypta ótip jatyr. Qazaqstan Prezıdenti atalǵan forýmda qurmetti qonaq retinde sóz sóıledi.

Sondaı-aq Memleket basshysy BUU-nyń 8-shi Bas hatshysy, Boao Azııa forýmynyń tóraǵasy, Jahandyq jasyl damý ınstıtýty (GGGI) Assambleıasynyń Prezıdenti Pan Gı Mýnmen kezdesý ótkizdi.