29 Naýryz, 2024 Barlyq aımaqtar
Qazaqstandyq boksshy Bakýdegi báseke fınalynda álem chempıonyn jeńdi
Tóreshiler biraýyzdan otandasymyzdy jeńimpaz dep tanydy.
Foto: ashyq derekkózden
92 kıloǵa deıingi salmaqta judyryqtasatyn Saǵyndyq Toǵambaı Bakýde ótken "Uly Jibek joly" básekesinde top jardy. Ol fınalda 2021 jylǵy álem chempıony, Tokıo Olımpıadasynyń qola júldegeri Alfonso Domıngesti jeńdi.
Ázerbaıjan eliniń atynan judyryqtasyp júrgen kýbalyqqa qarsy jekpe-jekte Saǵyndyq shıraq judyryqtasty. Tóreshiler biraýyzdan otandasymyzdy jeńimpaz dep tanydy. Osylaısha ulttyq qurama qorjynyna úshinshi altyn medaldy saldy.
Buǵan deıin Talǵat Syrymbetov pen Darhan Dúısebaı jarys jeńimpazy atanǵan bolatyn. Al Temirtas Júsipov pen Tımýr Qabdesh kúmis júldeni qanaǵat tutty.
Qazaqstan quramasy Bakýdegi básekeni 3 altyn, 2 kúmis, 2 qola medalmen aıaqtady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir