• USD 468.56

  • EUR 497.56

  • RUB 7.3

  • CNY 67.18

24 Sáýir, 23:28:31
Almaty
+35°

29 Naýryz, 2024 Barlyq aımaqtar

Tolassyz jaýǵan jańbyrdan keıin Almatyda ne boldy?

Tótenshe jaǵdaılar mınıstrligi ókilderi 28 naýryzda keshke qaraı Almatydaǵy jaǵdaı týraly aıtty. Keshe qalada shańdy daýyl turyp, qatty jańbyr jaýyp, aýlalar men kóshelerdi sý basyp qaldy.

Foto: ashyq derekkózden

TJM málimetinshe, 28 naýryzda keshke qaraı Almatyda aýa raıy kúrt nasharlap, ekpindi jel 18-24 m/s deıingi jyldamdyqqa deıin jetip, nóser jańbyr jaýǵanyna baılanysty qalanyń barlyq TJ qyzmeti men kommýnaldyq kásiporyny kúsheıtilgen jumys rejımine aýystyrylǵan.

38 jeke úıdiń aýlalary men tórt kósheniń jekelegen ýchaskelerin sý basqan. Azamattyq qorǵaý qyzmetteri men jergilikti atqarýshy organdar sý basý saldaryn ýaqtyly joıýda.

"Qazirgi ýaqytta qaladaǵy jaǵdaı turaqty. Tirshilikti qamtamasyz etý obektileri shtattyq rejımde jumys isteıdi. Zardap shekkender joq", - delingen habarda.

Tótenshe jaǵdaılar departamenti keshe, 28 naýryzda 112 jelisine turǵyndardan aǵashtardyń qulaǵany boıynsha – (kólikterge 13 jaǵdaı, ǵımarattarǵa – 2 jaǵdaı, gaz qubyrlaryna – 3 jaǵdaı) qońyraý túskenin habarlady. Qońyraýlarǵa jedel jýap berý maqsatynda qalalyq tótenshe jaǵdaılar bóliminde senim telefony ashylyp, 112 operator qyzmet kórsetken. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir