• USD 468.56

  • EUR 497.56

  • RUB 7.3

  • CNY 67.18

24 Sáýir, 22:59:25
Almaty
+35°

28 Naýryz, 2024 Barlyq aımaqtar

Qańtar oqıǵasy: 4 jasar Aıkórkemniń ólimine kináli dep tanylǵan áskerı qyzmetkerge úkim shyqty

Qańtar oqıǵasy kezinde qaza tapqan 4 jasar Aıkórkem Medelhannyń ólimine kináli dep tanylǵan áskerı qyzmetker 7 jylǵa sottaldy.

Foto: ǵalamtor jelisinen

Áskerı sotynyń qylmystyq ister jónindegi sot alqasy qarý qoldaný arqyly bılikti asyra paıdalaný boıynsha (QK 451-baby 2-bóliginiń 1-tarmaǵymen) aıyptalǵan áskerı qyzmetshi J.-ǵa qatysty qylmystyq isti apellıasııalyq tártipte qaıta qarady. Buǵan deıin birinshi satydaǵy sot áskerı qyzmetshiniń is-áreketinde qylmystyq quqyq buzýshylyq quramynyń bolmaýyna baılanysty ony aqtaǵan.

Qylmystyq is jabyq sot otyrysynda «qupııa» belgisimen qaralǵan. Apellıasııalyq sot alqasy jábirlenýshi taraptyń shaǵymdary men prokýrordyń narazylyǵy negizinde isti qaıta qarady.

«2022 jylǵy 7 qańtarda saǵat 19.30 shamasynda, sottalýshy J., blok beketinde bola tura, onyń qaramaǵyndaǵy áskerı qyzmetshilerge blok beketine jaqyndap kele jatqan avtokólikke oq atý týraly zańsyz buıryq bergen. Nátıjesinde, alǵan oq jaraqaty saldarynan jas bala (2017 j.t. A.Meldehan) qaıtys bolyp, al, kámeletke tolmaǵanyna (2006 j.t. J.Meldehan) 5 oq jaraqatynan densaýlyǵyna aýyr zııan keltirilgen. Sottalýshynyń kinási is boıynsha jınalǵan dáleldemelermen, ıaǵnı jábirlenýshiler men kýágerlerdiń aıǵaqtarymen, sot saraptamalarynyń qorytyndylary jáne zattaı dáleldemelerimen dáleldendi. QR Áskerı sotynyń sot alqasy aqtaý úkiminiń kúshin joıyp, jańa aıyptaý úkimin shyǵardy, oǵan sáıkes QK-niń 451-baby 2-bóliginiń 1-tarmaǵy boıynsha J. kináli dep tanylyp, bas bostandyǵynan aıyrylyp, 7 jylǵa sottaldy», - delingen Joǵarǵy sottyń habarlamasynda. 

Sondaı-aq, sot alqasy QR Qorǵanys mınıstriniń atyna áskerı qyzmetshilerdiń jol bergen zań buzýshylyqtary, sondaı-aq olardy joıý jáne odan ári boldyrmaý jóninde sharalar qabyldaý úshin qylmys jasaýǵa yqpal etken sebepter men jaǵdaılar týraly jekeshe qaýly shyǵardy.

Apellıasııalyq úkim zańdy kúshine endi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir