• USD 468.56

  • EUR 497.56

  • RUB 7.3

  • CNY 67.18

24 Sáýir, 22:21:51
+35°

28 Naýryz, 2024 Barlyq aımaqtar

Polısııa endi quqyqbuzýshylardyń keshirim suraǵan vıdeosyn túsirmeıdi

QR Ishki ister mınıstrliginiń resmı ókili Shyńǵys Álekeshev túrli quqyqbuzýshylyq jasaǵan aıyptylardyń qoǵam aldynda keshirim suraý tájirıbesi endi qoldanylmaıtynyn aıtty.

Foto: ashyq derekkózden

 

 «Biz jalpy aqparattyq keńistikti taldap jatyrmyz. Onyń ishinde áleýmettik jeli paıdalanýshylarynyń, halyqtyń pikirin zertteımiz. Qazir aıyptylar jaýapqa tartylsa da, polısııa olardy kúshtep keshirim suratatyndaı kórinedi. Joq, olar óz erkimen keshirim suraıdy. Jaǵdaıdy jeńildetý úshin vıdeoǵa túsirilgen, biraq bul kerisinshe áser berdi. Halyq keshirim suraǵan aıyptylar jazadan sytylyp ketedi dep oılaıdy», - dedi Shyńǵys Álekeshev elordada tilshilermen kezdesýde. 

Resmı ókildiń aıtýynsha, endi keshirim suraǵan vıdeolar bolmaıdy, onyń ornyna jaýapqa tartylǵandardyń qoǵamdyq jumystardy qalaı oryndap jatqany kórsetiledi.

«Osylaısha biz jazanyń bultartpaýshylyq prınsıpin qamtamasyz etemiz. Halyq báriniń teń ekenin bilýi kerek. Biz quqyqtyq memlekette ómir súrip jatyrmyz. Biz eshkimdi kópshilik aldynda keshirim suraýǵa májbúrlegen joqpyz jáne ondaı vıdeolar endi túsirilmeıdi. Keshirim suraǵysy kelgender óz paraqshasynda óz bastamasymen jasasyn. Biraq biz ony polısııamen baılanystyrmaımyz», - dedi Sh. Álekeshev.

 

"Qamshy" silteıdi
Ilmek sózder: jaza qylmys keshirim

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir