• USD 468.56

  • EUR 497.56

  • RUB 7.3

  • CNY 67.18

24 Sáýir, 23:27:59
Almaty
+35°

27 Naýryz, 2024 Barlyq aımaqtar

Atynan nesıe alyp, artynan uryp óltirgen

"Soıylmen uryp, máıitin órtegen". Almaty oblysynda qaıtys bolǵan 18 jastaǵy qyzdyń ólimine qatysty jańa málimetter belgili boldy.

Foto: Almaty oblysynyń PD

Kúdiktiler Jannur Qalıdy bir apta boıy jaldamaly páterde ustaǵan. Atynan nesıe alyp, artynan uryp óltirgen. Almaty oblysynda qaıtys bolǵan 18 jastaǵy qyzdyń ólimine qatysty jańa málimetter belgili boldy.

Jaqyndarynyń aıtýynsha, marqum Jannur Qalı kúdiktilermen bir páterde bir aptadaı birge turǵan. Sol ýaqyt aralyǵynda jas jigitter boıjetkenniń atynan 2 márte nesıe alypty. Aqyr sońynda qyzdy óltirip, izin jasyrý úshin jartylaı órtelgen denesin jazyq dalaǵa tastap ketken. Qazir jantúrshigerlik qylmysqa barǵan 23 jáne 21 jastaǵy eki jigit qamaýda otyr.

-Jantúrshigerlik qylmys osydan bir apta buryn boldy. Jas jigitter 18 jastaǵy qyzdy ábden uryp-soǵyp, Qonaev qalasynyń mańyna ákeledi. Sóıtip, jazyq dalada óltirip, artynan órtep jibergen. Biraq, denesi tolyq órtenbepti. Polıseıler osy kúıinde taýyp alǵan. Mundaı jaýyzdyqqa barǵan kúdiktilerdiń biri marqum Jannur Qalıdyń sóılesip júrgen jigiti bolyp shyqqan. Ekeýi naýryzdyń basynda ınternet arqyly tanysqan eken. Keıin tipti bir páterde turǵan. "Tergeýshiniń aıtqany, bular 7-si kúni tanysqan. 9-nan bastap 1 apta birge turǵan. Atynan kredıt aldyrǵan. Aıfon telefonyn satqan. Sodan keıin Baqanastyń jolynda qasaqana óltirgen dep qysqa málimet berdi. 15:08 Eki adam óltirgen. Bıtamen urǵan. О́rtegen",-deıdi marqumnyń týysy Botagóz Uıabaeva.

Dám tuzy nebári 18 jasynda taýsylǵan Jannur Qalı О́tegen batyr aýylynda turǵan. Osynda kolledjde aspaz mamandyǵynda oqypty. Biraq, jaqynda oqýyn tastap, Almatyda jumys isteımin dep ketken eken. Kúdiktiler boıjetkenniń jetim ekenin bilip, izdeý-suraýy bolmaıdy dep oılap, paıdalanǵanyna senimdi týystary. "Kúdiktilermen tanysqan kezde eshkimim joq, jetim qyzbyn dep aıtqan eken. Jetim bolǵanda, ákesi 2007-shi jyly yqaıtys boldy. Anasy analyq quqyǵynan aıyrylǵan. Bala opekýnstvada ekinshi naǵashymnyń qolyndla ósken. Keıinnen 7 synypqa ótkende apamyzdyń qolyna ótken",- deıdi marqumnyń týysy Botagóz Uıabaeva. Jannurdy osy ýaqytqa deıin baǵyp-qaqqan týystary kinálilerdiń qatań jazaǵa tartylýyn talap etýde.

"Qamshy" silteıdi
Ilmek sózder: qylmys Jannur Qalı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir