• USD 468.56

  • EUR 497.56

  • RUB 7.3

  • CNY 67.18

24 Sáýir, 22:03:20
Almaty
+35°

27 Naýryz, 2024 Barlyq aımaqtar

Qytaı 10 jyldyń ishinde Eýropaǵa 85 myń konteınerlik poıyz jibergen, onyń 80%-y Qazaqstan arqyly ótti

Qytaı Halyq Respýblıkasyna jumys saparymen kelgen elimizdiń kólik salasyna jaýapty mınıstri Shyńjań-Uıǵyr avtonomııalyq aýdanynyń kólik-logıstıkalyq ınfraqurylymymen tanysty

Foto: AO "NK "Qazaqstan temir joly"

Bul týraly QR Kólik mınıstrligi habarlady. 

Kólik mınıstri Marat Qarabaev bastaǵan qazaqstandyq delegasııa Úrimshi qalasynyń birqatar kólik ınfraqurylymy nysanyn, onyń ishinde halyqaralyq qurǵaq portty, ekspress jetkizý ortalyǵyn (Jitu Express), «Qytaı-Eýropa» temirjol ekspress habyn jáne Shyńjań saýda-logıstıkalyq korporasııasynyń keńsesin aralady.

Sonymen qatar, kólik mınıstrliginiń basshysy «Qytaı Halyq Respýblıkasy-Eýroodaq» baǵyty boıynsha «Tıanshan» mereıtoılyq 150 konteınerlik poıyzyn jóneltý rásimine qatysty.

Saltanatty rásimde «Bir beldeý – bir jol» bastamasy júzege asyrylyp kele jatqan 10 jyldyń ishinde (2013 jyldan bastap) Qytaıdan batys baǵytta 85 myńǵa jýyq konteınerlik poıyz jóneltilgeni, onyń 80%-y Qazaqstan arqyly ótkeni atap ótildi.

Joǵaryda atalǵan nysandardy aralaý barysynda taraptar logıstıka ınfraqurylymyn yntalandyrýǵa jáne jaqsartýǵa baǵyttalǵan birlesken ınvestısııalyq jobalardy uıymdastyrý josparlaryn ózara kelisti.

 

"Qamshy" silteıdi
Ilmek sózder: Qytaı konteıner

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir